ലഖ്നൗ: സെപ്റ്റിക് ടാങ്കില് വീണ് പ്രായപൂര്ത്തിയാകാത്ത മൂന്ന് സഹോദരങ്ങള് ഉള്പ്പെടെ അഞ്ച് പേര് മരിച്ചു. ഉത്തർപ്രദേശിലെ ആഗ്രയ്ക്ക് സമീപം ഫത്തേഹാബാദില്ലാണ് സംഭവം.
പത്തു വയസുകാരനായ അനുരാഗാണ് കളിക്കുന്നതിനിടെ ആദ്യം സെപ്റ്റില് ടാങ്കില് വീണത്. അനുരാഗിനെ രക്ഷിക്കാനുള്ള ശ്രമത്തിലാണ് മറ്റുള്ളവര് അപകടത്തില് പെട്ടതെന്ന് പോലീസ് അറിയിച്ചു.
സോനു(25), രാം ഖിലാഡി, ഹരിമോഹന്(16), അവിനാശ്(12) എന്നിവരാണ് മരിച്ച മറ്റുള്ളവര്. അനുരാഗിനെ രക്ഷിക്കാനുള്ള ശ്രമത്തിനിടെ ഇവരും മുങ്ങിപ്പോവുകയായിരുന്നു.
ഹരിമോഹനും അവിനാശും അനുരാഗും സഹോദരങ്ങളാണ്.
മരിച്ചവരുടെ കുടുംബാംഗങ്ങള്ക്ക് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് രണ്ട് ലക്ഷം രൂപ വീതം നഷ്ടപരിഹാരം പ്രഖ്യാപിച്ചു.
