തിരുവനന്തപുരം: കേരള രാഷ്ട്രീയത്തില് വലിയ ശ്രദ്ധ നേടുന്ന മണ്ഡലമായി മാറിയിരിക്കുന്ന കോന്നിയില് മുന്ന് മുന്നണികളും പ്രചരണ പോര് തുടങ്ങി. കോണ്ഗ്രസിനായി കളത്തിലിറങ്ങിയിട്ടുളള കെ. മുരളീധരന് ഇന്നലെ ആദ്യ വെടി പൊട്ടിച്ചു. തെരഞ്ഞെടുത്താല് നിങ്ങളുടെ എംഎല്എ നിയമസഭയില് കാബറ ഡാന്സ് കളിച്ചെന്ന പരാതി ഒരിക്കലും ഞാന് ഉണ്ടാക്കില്ലെന്നും ശബരിമലയിലെ വിശ്വാസങ്ങളും ആചാരങ്ങളും ചോദ്യംചെയ്തപ്പോള് എതിര്ത്തയാളാണ് താനെന്നും പറഞ്ഞു.
ശബരിമലയും പൗരത്വഭേദഗതി ബില്ലുമെല്ലാം വിഷയമാക്കിയാണ് കെ. മുരളീധരന് പ്രചരണം തുടങ്ങിയത്. അതേസമയം നേമത്ത് ബിജെപിയും ഇടതുപക്ഷവും തമ്മിലാണ് മത്സരമെന്നും കോണ്ഗ്രസ് ഇവിടെ അപ്രസക്തമാണെന്നുമായിരുന്നു ഇടതു പ്രചരണത്തിന് നേതൃത്വം നല്കുന്ന മുഖ്യമന്ത്രി പിണറായി വിജയന്റെ മറുപടി. ഇന്നലെ മണ്ഡലത്തില് എത്തിയ കെ. മുരളീധരന് സംസ്ഥാന സര്ക്കാരിനെയും കേന്ദ്ര സര്ക്കാരിനെയും ഒരു പോലെ വിമര്ശിച്ചു. ശബരിമലയിലെ വിശ്വാസങ്ങളും ആചാരങ്ങളും ചോദ്യംചെയ്തപ്പോള് തിരുവനന്തപുരത്ത് നിന്ന് പത്തനംതിട്ട വരെ പദയാത്രക്ക് നേതൃത്വം നല്കിയ ആളാണ് ഞാന്. പൌരത്വ നിയമ ഭേദഗതി ബില് പാര്ലമെന്റില് കൊണ്ടുവന്നപ്പോള് വടകരയിലെ തന്റെ മണ്ഡലത്തില് ഒരറ്റം മുതല് മറ്റേ അറ്റം വരെ പദയാത്ര നടത്തിയെന്നും പറഞ്ഞു.
കോണ്ഗ്രസിന് മറുപടിയുമായി ഇന്ന് മുഖ്യമന്ത്രി പിണറായി വിജയനും രംഗത്ത് വന്നു. കോണ്ഗ്രസ് പറയുന്ന കാര്യം ആരും മുഖവിലക്ക് പോലും എടുക്കാറില്ലെന്നായിരുന്നു മുഖ്യമന്ത്രിയുടെ പ്രതികരണം. എത്ര ഉയര്ന്ന വിലക്ക് നേതാക്കളെ വില്ക്കാനാകുമെന്നു അന്വേഷിക്കുന്ന കോണ്ഗ്രസാണോ ബി.ജെ.പി യെ എതിരിടുന്നതെന്നു അദ്ദേഹം പരിഹസിച്ചു. കഴിഞ്ഞ തെരഞ്ഞെടുപ്പില് ബി.ജെ.പിക്ക് നേമത്തു താമര വിരിയിക്കാന് അവസരമൊരുക്കിയത് കോണ്ഗ്രസ് ആണ്. ആ തെറ്റ് ഏറ്റു പറയാന് കോണ്ഗ്രസ് തയ്യാറുണ്ടോയെന്നും ചോദിച്ചു.
കത്വ പെണ്കുട്ടിയുടെ പേരില് നടന്ന പണപ്പിരിവിന്റെ കഥ നാട്ടുകാര്ക്കറിയാം. ലീഗിന്റെയും കോണ്ഗ്രസിന്റെയും അണികള്ക്ക് ഇതിലെല്ലാം അതൃപ്തി ഉണ്ട്. ഇതെല്ലാം തെരഞ്ഞെടുപ്പില് യു.ഡി.എഫിന് തിരിച്ചടിയാകുമെന്നും പറഞ്ഞു.
