കൊച്ചി : സംസ്ഥാനത്ത് ഏറ്റവും മികച്ച സ്വകാര്യ ആരോഗ്യ സംവിധാനം നിലവിലുള്ള എറണാകുളം ജില്ലയില് കോവിഡ് രോഗികളുടെ എണ്ണം പെരുകിയതോടെ ഐ.സിയു ബെഡുകള് നിറഞ്ഞു. 158 വെന്റിലേറ്ററുകളിലും രോഗികള് ചികിത്സയിലായി.
സ്വകാര്യ ആശുപത്രികളില് ഐ.സി.യു. ബെഡുകള് ഒഴിവില്ലെന്നാണു പ്രമുഖ ആശുപത്രികളില്നിന്നുള്ള വിവരം. കഴിഞ്ഞ ദിവസം വിവിധ ജില്ലകളില്നിന്നുള്ളവര് എറണാകുളത്ത് ഐ.സി.യു. സൗകര്യം തേടിയെങ്കിലും നിരാശയായിരുന്നു ഫലം. എറണാകുളം ജില്ലയുടെ പ്രാന്തപ്രദേശങ്ങളിലും ഗ്രാമീണ മേഖലകളിലുമുള്ള ആശുപത്രികളിലൂം സ്ഥിതി വ്യത്യസ്തമല്ല. നിലവില് 20 ശതമാനം ബെഡുകളാണ് സ്വകാര്യ ആശുപത്രികളില് കോവിഡ് രോഗികള്ക്കായി നീക്കിവച്ചിട്ടുള്ളത്.
പ്രധാന ആശുപത്രികളായ ആസ്റ്റര് മെഡിസിറ്റിയിലും ലേക്ക്ഷോറിലും ലൂര്ദ് ആശുപത്രിയിലും ലിസി, രാജഗിരി, സണ്െറെസ്, റിെനെ, മെഡിക്കല് ട്രസ്റ്റ്, മെഡിക്കല് സെന്റ്ര് എന്നിവിടങ്ങളിലും മാറ്റിവച്ച 20 ശതമാനം ബെഡുകളും നിറഞ്ഞുകഴിഞ്ഞു. കഴിഞ്ഞദിവസം ലൂര്ദില് അതീവ ഗുരുതരാവസ്ഥയിലായ കോവിഡ് രോഗിയെ ഹെലികോപ്ടറില് കൊണ്ടുവന്നിരുന്നു.
ലോക്ക്ഷോറില് 23, മെഡിക്കല് സെന്ററില് 30, രാജഗിരിയില് 49, എന്നിങ്ങനെയാണ് നിലവില് കോവിഡ്രോഗികളുള്ളത്. ഇതര ജില്ലകളില്നിന്ന് 225 ല്പരം രോഗികളുും എറണാകുളത്തെ വിവിധ ആശുപത്രികളില് ചികിത്സയിലുണ്ട്. സര്ക്കാര് മേഖലയില് 2,084 ബെഡുകളില് 1,146 എണ്ണം ഒഴിവുണ്ട്. ഓക്സിജന് സൗകര്യമുള്ള 1,500 ബെഡുകള് കൂടി സജ്ജമാക്കാനാണു സര്ക്കാര് നീക്കമാരംഭിച്ചിട്ടുള്ളത്. എല്ലാ താലൂക്കുകളിലും ഇത്തരം ബെഡുകള് സജ്ജമാക്കും.
കളമശേരി മെഡിക്കല് കോളജ് പൂര്ണമായും കോവിഡ് ചികിത്സാ കേന്ദ്രമാക്കി. കളമശേരി മെഡിക്കല് കോളജ് 300, പി.വി.എസ്. ഹോസ്പിറ്റല് 120, ആലുവ ജില്ലാ ആശുപത്രി 100, ഫോര്ട്ട്കൊച്ചി താലൂക്ക് ആശുപത്രി 70, എറണാകുളം ജനറല് ആശുപത്രി 100, സിയാല് കോവിഡ് ട്രീറ്റ്മെന്റ് സെന്റര് 150, തുപ്പൂണിത്തുറ താലൂക്ക് ആശുപത്രി 70, മൂവാറ്റുപുഴ ജനറല് ആശുപത്രി 40 എന്നിങ്ങനെയാണ് ബെഡ് സൗകര്യമുള്ളത്.
