കൊല്ലം: നിയമസഭാ തിരഞ്ഞെടുപ്പിലെ വോട്ടെടുപ്പ് ദിനം ഇ.എം.സി.സി ഇന്ത്യാ ഡയറക്ടര് ഷിജു വര്ഗീസിന്റെ കാര് ആക്രമിച്ച കേസില് ഒരാളുടെ അറസ്റ്റ് രേഖപ്പെടുത്തി. തിരുവനന്തപുരം സ്വദേശിയായ ക്വട്ടേഷന് സംഘത്തിലെ അംഗം ബിനു കുമാറിന്റെ അറസ്റ്റാണ് രേഖപ്പെടുത്തിയത്. ബിനുവിനെ കോടതിയില് ഹാജരാക്കുന്നതിനു വേണ്ടി കൊണ്ടുപോയി.
കേസില് ഷിജു വര്ഗീസിനെ പുലര്ച്ചെ ഗോവയില് നിന്ന് പോലീസ് കസ്റ്റഡിയില് എടുത്തിരുന്നു. ഷിജുവിന്റെ സഹോദരന്, ഇവരുടെ സഹായി എന്നിവരും കസ്റ്റഡിയിലായിട്ടുണ്ട്. ഇവരെ ചാത്തന്നൂര് എ.സി.പിയുടെ ഓഫീസിലേക്ക് എത്തിച്ചുകൊണ്ടിരിക്കുകയാണ്.
ബിനുനായര് സോളാര് തട്ടിപ്പ് കേസിലെ പ്രതി സരിതയുടെ സഹായിയായി കുറച്ചുനാള് പ്രവര്ത്തിച്ചിരുന്നുവെന്ന് പോലീസ് പറയുന്നു. ക്വട്ടേഷന് സംഘത്തിലെ നാലു പേരും പിടിയിലായിട്ടുണ്ട്.
വോട്ടെടുപ്പ് ദിനം പുലര്ച്ചെയാണ് ഷിജുവിന്റെ കാറിനു നേര്ക്ക് പെട്രോള് കുപ്പിയില് നിറച്ച് എറിഞ്ഞത്. ബൈക്കിലെത്തിയ രണ്ടു പേരാണ് ആക്രമണം നടത്തിയതെന്ന് ഷിജു പറഞ്ഞിരുന്നു. ഷിജു കാറില് പെട്രോള് നിറച്ച കന്നാസുമായി വരുമ്പോള് പോലീസ് കസ്റ്റഡിയില് എടുത്തുവെന്നായിരുന്നു മന്ത്രിയും എതിര് സ്ഥാനാര്ത്ഥിയുമായ ജെ.മേഴ്സിക്കുട്ടിയമ്മ പറഞ്ഞത്. തിരഞ്ഞെടുപ്പ് അട്ടിമറിക്കാന് ഷിജു തന്നെ ആക്രമണം നടത്തിയതെന്നായിരുന്നു മന്ത്രിയുടെ വിശദീകരണം. എന്നാല് ഷിജുവിശന്റ പരാതി എടുക്കാനാണ് സ്റ്റേഷനില് വിളിച്ചതെന്ന് പറഞ്ഞ പോലീസ് കൂടുതല് വിശദീകരണം നല്കിയിരുന്നില്ല.
