ന്യൂഡല്ഹി: കോവിഡിനെ പ്രതിരോധിക്കാന് ചാണകത്തിലും പശു മൂത്രത്തിലുമുള്ള കുളിയുടെ വീഡിയോയില് പ്രതികരിച്ച് എസ്പി നേതാവ് അഖിലേഷ് യാദവ്. ഗുജറാത്തിലെ അഹമ്മദാബാദില് ചാണകവും പശു മൂത്രവും ദേഹത്ത് പുരട്ടി പുരുഷന്മാര് പ്രാര്ത്ഥിക്കുന്ന വീഡിയോ പുറത്തുവന്നിരുന്നു.
ഇതിനു പിന്നാലെയാണ് ' നമ്മള് ചിരിക്കണോ അതോ കരയണോ' എന്ന് അഖിലേഷ് യാദവ് ട്വീറ്റ് ചെയ്തത്. വാര്ത്താ ഏജന്സിയായ റോയിട്ടേഴ്സ് പുറത്തുവിട്ട വീഡിയോ പങ്കുവെച്ചുകൊണ്ടാണ് അഖിലേഷ് യാദവിന്റെ ട്വീറ്റ്.ശ്രീ സ്വാമിനാരായണന് ഗുരുകുല് വിശ്വ വിദ്യ പ്രതിഷ്ഠാനം എന്ന സ്കൂളില് ചിലര് ആഴ്ചയിലൊരിക്കല് ശരീരത്തില് ചാണകവും പശുമൂത്രവും പുരട്ടാനും, പശുക്കളെ ആലിംഗനം ചെയ്യാനും യോഗ പരിശീലിക്കാനും പേ ാകുന്നുവെന്നും പറയുന്നു.
अब इस पर हँसे या रोएं... pic.twitter.com/NJIbiXmSoX
— Akhilesh Yadav (@yadavakhilesh) May 12, 2021
കോവിഡിനുള്ള ബദല് ചികിത്സകള്ക്കെതിരെ ഡോക്ടര്മാരും ശാസ്ത്ര സംഘവും ആവര്ത്തിച്ച് മുന്നറിയിപ്പ് നല്കിയിട്ടുണ്ട്.ഇത് തെറ്റായ സുരക്ഷാ ബോധത്തിലേക്ക് നയിക്കുമെന്നും ആരോഗ്യപ്രശ്നങ്ങള് കൂടുതല് സങ്കീര്ണമാക്കുമെന്നും പറയുന്നു. കോവിഡിനെതിരെ ചാണകമോ മൂത്രമോ പ്രതിരോധശേഷി വര്ധിപ്പിക്കും എന്നതിന് വ്യക്തമായ ശാസ്ത്രീയ തെളിവുകളൊന്നുമില്ലെന്ന് ഇന്ത്യന് മെഡിക്കല് അസോസിയേഷന് മേധാവി ഡോ. ജെ. ജയലാല് പ്രതികരിച്ചിട്ടുണ്ട്.
