വാഷിങ്ടണ്: കോവിഡ് 19 വ്യാപനത്തെ കുറിച്ച് ചൈന ലോകത്തിന് മുന്നറിയിപ്പ് നല്കുന്നതിന് ഏതാനും മാസങ്ങള്ക്ക് മുന്പ് വുഹാന് ഇന്സ്റ്റിറ്റ്യൂട്ട് ഓഫ് വൈറോളജിയിലെ മൂന്നുഗവേഷകര് 2019 നവംബറില് ആശുപത്രിയില് ചികിത്സ തേടിയിരുന്നതായി റിപ്പോര്ട്ട്. യുഎസ് അന്വേഷണ റിപ്പോര്ട്ടിനെ ഉദ്ധരിച്ച് വാള്സ്ട്രീറ്റ് ജേണലാണ് ഇക്കാര്യം റിപ്പോര്ട്ട് ചെയ്തിരിക്കുന്നത്.
ഇതുവരെ വെളിപ്പെടുത്താത്ത യുഎസ് അന്വേഷണ റിപ്പോര്ട്ടിലാണ് എത്ര ഗവേഷകരാണ് അസുഖബാധിതരായത്, എപ്പോൾ ആശുപത്രി സന്ദർശിച്ചു എന്നീ വിവരങ്ങളെല്ലാം ഉള്ളത്. വൈറസിന്റെ ഉത്ഭവം വുഹാനിലെ ലാബില് നിന്നാണെന്നുളള അഭ്യൂഹങ്ങള്ക്ക് ശക്തിപകരുന്നതാണ് ഇതെന്ന്
ഇന്റലിജന്സ് ഉദ്യോഗസ്ഥന് പറഞ്ഞതായും ജേണല് റിപ്പോര്ട്ട് ചെയ്തിട്ടുണ്ട്.
വൈറസ് വുഹാനിലെ ലാബില് നിന്ന് ചോര്ന്നതാണെന്ന് മുന് അമേരിക്കന് പ്രസിഡന്റായിരുന്ന ഡൊണാള്ഡ് ട്രംപ് പലതവണ ആരോപണം ഉന്നിച്ചിരുന്നു. ഇതിനെ
ധൂകരിക്കുന്ന ഒരു ഫാക്ട് ഷീറ്റ് സ്റ്റേറ്റ് ഡിപ്പാര്ട്ട്മെന്റ് ട്രംപ് ഭരണകൂടത്തിന്റെ അവസാനകാലഘട്ടത്തില് പുറത്തുവിടുകയും ചെയ്തിരുന്നു. എന്നാൽ, വൈറസ് വുഹാനിലെ ലാബില് നിന്ന് ഉത്ഭവിച്ചതല്ലെന്ന് ഫെബ്രുവരിയില് നടത്തിയ സന്ദര്ശനത്തിന് ശേഷം ലോകാരോഗ്യസംഘടനയുടെ നേതൃത്വത്തിലുളള സംഘം സ്ഥിരീകരിച്ചതാണെന്ന് ചൈനീസ് വിദേശകാര്യമന്ത്രാലയം അഭിപ്രായപ്പെട്ടു.
