തിരുവനന്തപുരം: ഇരട്ട വോട്ട് വിവാദത്തില് തിരഞ്ഞെടുപ്പ് കമ്മീഷന്റെ പരാതിയില് ്രൈകംബ്രാഞ്ച് കേസെടുത്തു. ഗൂഢാലോചന, ഐ.ടി ആക്ട്, മോഷണം എന്നീ വകുപ്പുകള് ചുമത്തിയാണ് കേസ്. 2 കോടി 67 ലക്ഷം പേരുടെ വിവരങ്ങള് ചോര്ന്നുവെന്ന് തിരഞ്ഞെടുപ്പ് കമ്മീഷന് നല്കിയ പരാതിയില് പറയുന്നൂ.
തിരുഞ്ഞെടുപ്പ് കമ്മീഷന്റെ വോട്ടര് പട്ടികയില് നിന്നുള്ള വിവരങ്ങള് ചോര്ത്തിയതിന് ഐ.ടി ആക്ട് പ്രകാരവും അതില് ഗൂഢാലോചന നടന്നുവെന്നും വിവരങ്ങള് അധികാരിയുടെ അനുമതിയില്ലാതെ പുറത്തുകൊണ്ടുപോയത് മോഷണമാണെന്നും പരാതിയില് ചൂണ്ടിക്കാട്ടുന്നു.
എന്നാല്, അന്വേഷണത്തെ സ്വാഗതം ചെയ്യുന്നുവെന്ന് പറഞ്ഞ മുന് പ്രതിപക്ഷ നേതാവ് രമേശ് ചെന്നിത്തല, തിരഞ്ഞെടുപ്പ് കമ്മീഷന് ഒളിച്ചുകളി നടത്തുകയാണെന്ന് കുറ്റപ്പെടുത്തി. നാലര ലക്ഷം വ്യാജ വോട്ടര്മാരെ കണ്ടെത്തി നല്കിയിട്ട് 38,000 പേര് മാത്രമേയുള്ളുവന്ന് പറഞ്ഞ് ഒളിച്ചുകളിച്ചു. ആരാണ് വ്യാജ വോാട്ടര്മാരെ ചേര്ത്തതെന്ന് കണ്ടെത്തുകയാണ് വേണ്ടത്. അല്ലാതെ പാവപ്പെട്ട 200 താത്ക്കാലിക ജീവനക്കാരെ പിരിച്ചുവിടുകയല്ല വേണ്ടത്.
ഇത് ചോര്ത്തേണ്ട ആവശ്യമില്ല. തിരഞ്ഞെടുപ്പ് കമ്മീഷന് വെബ്സൈറ്റില് പ്രസിദ്ധീകരിച്ച പട്ടികയാണ്. അതില് നിന്നാണ് തങ്ങള് ഈ പട്ടിക എടുത്തത് ഇനിയെങ്കിലും പട്ടികയില് ശുദ്ധീകരണം നടത്തണം. ഹൈക്കോടതിക്ക് കാര്യങ്ങള് ബോധ്യപ്പെട്ടതുകെണ്ടാണ് നിബന്ധനകള് വച്ചത്. തിരഞ്ഞെടുപ്പ് കഴിഞ്ഞ സാഹചര്യത്തിലെങ്കിലും ശുദ്ധീകരണത്തിന് തയ്യാറാകണം. ക്രൈംബ്രാഞ്ച് അന്വേഷണത്തെ സ്വാഗതം െചയ്യുന്നു. വോട്ടര്പട്ടിക അബദ്ധ പഞ്ചാംഗമാണ്.
നാലര ലക്ഷം വ്യാജവോട്ടര്മാരില് നല്ലൊരു ശതമാനം വോട്ട് ചെയ്തിട്ടുണ്ട്. തിരഞ്ഞെടുപ്പ് കമ്മീഷന്റെ പരാജയമാണിത്. താന് ഉന്നയിച്ച ആരോപണം കൂടി അന്വേഷിക്കണമെന്നും ചെന്നിത്തല ആവശ്യപ്പെട്ടു. നിയമസഭാ തിരഞ്ഞെടുപ്പിനു തൊട്ടുമുന്പാണ് ഇരട്ട വോട്ടര് പട്ടിക വിവാദം പ്രതിപക്ഷം ഉന്നയിച്ചത്. വ്യാജ വോട്ടര്മാരുടെ ലിസ്റ്റ് ചെന്നിത്തല പുറത്തുവിടുകയും ചെയ്തിരുന്നു.
