ന്യൂഡല്ഹി: റഫാല് യുദ്ധവിമാന ഇടപാടുമായി ബന്ധപ്പെട്ട അഴിമതി ആരോപണത്തില് ഫ്രാന്സില് അന്വേഷണം ആരംഭിച്ചതിന് പിന്നാലെ കേന്ദ്ര സര്ക്കാരിനെതിരെ അതിരൂക്ഷ വിമര്ശനമുയര്ത്തി കോണ്ഗ്രസ്. ഇടപാട് മൂലം പണം നേടിയ രാജ്യത്ത് അന്വേഷണത്തിന് ഉത്തരവിട്ടിട്ടും നികുതിദായകരുടെ പണം നഷ്ടപ്പെട്ട രാജ്യം നിശ്ശബ്ദത പാലിക്കുകയാണെന്നും പാര്ട്ടി വക്താവ് പവന് ഖേര ചോദ്യമുയര്ത്തി.
ഫ്രാന്സും കോണ്ഗ്രസും ഉന്നയിച്ച ചോദ്യങ്ങള്ക്ക് പ്രധാനമന്ത്രി എന്തുകൊണ്ട് ഉത്തരം നല്കിയില്ലെന്നതും അദേഹം ചോദ്യമുയര്ത്തി.
അഴിമതി ആരോപണത്തിലെ സത്യം പുറത്തുവരാന് സംയുക്ത പാര്ലമെന്ള്റി സമിതി അന്വേഷണം ആവശ്യപ്പെട്ടതിന് പിന്നാലെ വിഷയത്തില് പ്രധാനമന്ത്രി തുടരുന്ന മൗനത്തെ ചോദ്യം ചെയ്താണ് കോണ്ഗ്രസ് രംഗത്തെത്തിയിരിക്കുന്നത്. റഫാലിലെ അഴിമതി ഇപ്പോള് വ്യക്തമായി പുറത്തുവന്നിട്ടുണ്ടെന്നും ഫ്രഞ്ച് സര്ക്കാര് അന്വേഷണത്തിന് ഉത്തരവിട്ടതോടെ ഇക്കാര്യത്തില് കോണ്ഗ്രസിന്റെയും രാഹുല് ഗാന്ധിയുടെയും നിലപാടുകള് ശരിയാണെന്ന് തെളിഞ്ഞുവെന്നും കോണ്ഗ്രസ് വക്താവ് രണ്ദീപ് സുര്ജേവാല പറഞ്ഞു. ഫ്രാന്സില് നിന്ന് ഇന്ത്യ യുദ്ധവിമാനങ്ങള് വാങ്ങിയതുമായി ബന്ധപ്പെട്ട് ഉയര്ന്ന അഴിമതി ആരോപണങ്ങളില് ഫ്രഞ്ച് സര്ക്കാര് ജുഡീഷ്യല് അന്വേഷണത്തിനായി ജഡ്ജിയെ നിയോഗിച്ചുവെന്ന റിപ്പോര്ടടിന് പിന്നാലെയാണ് കോണ്ഗ്രസ് അതിരൂക്ഷ വിമര്ശമുയര്ത്തി രംഗ്െത്ത്തിയിരിക്കുന്നത്.
