കോഴിക്കോട്: അനധികൃത സ്വത്ത് സമ്പാദനവുമായി ബന്ധപ്പെട്ട
വിജിലന്സ് അന്വേഷണം കര്ണാടകയിലേക്ക്. കെ.എം ഷാജിയെ
നിരവധി തവണ വിജിലന്സ് ചോദ്യം ചെയ്യലിന് വിളിപ്പിച്ചിരുന്നുവെങ്കിലും പല മൊഴികളിലും പൊരുത്തക്കേടുണ്ടെന്നാണ് വിജിലന്സ് സംഘം കരുതുന്നത്.
ഷാജിക്ക് വരവില്കവിഞ്ഞ സ്വത്ത് ഉള്ളതായി കണ്ടെത്തിയതിനെ തുടര്ന്നായിരുന്നു നവംബറില് പ്രാഥമിക അന്വേഷണം തുടങ്ങിയത്. തുടര്ന്നാണ് ഷാജിക്കെതിരെ വിജിലന്സും കേസെടുത്തത്. നേരത്തേയും ഷാജിയുടെ വീട്ടില് വിജിലന്സ് പരിശോധന നടത്തിയിരുന്നു.
ഇഞ്ചികൃഷിയുണ്ടെന്നും കൃഷിയിലൂടെയാണ് തന്റെ വരുമാനമെന്നും കെ.എം ഷാജി മാധ്യമങ്ങളിലൂടെയടക്കം പ്രതികരിച്ചിരുന്നു.
ഇതോടെയാണ് ഷാജിയുടെ കൃഷി സംബന്ധിച്ച് വിവരം തേടി സംഘം കര്ണാടകയിലേക്ക് പോവാനൊരുങ്ങുന്നത്.
കൃഷി തന്നെയാണോ അല്ലെങ്കില് ഭൂമിയിടപാടുണ്ടോ തുടങ്ങിയ കാര്യങ്ങളും അന്വേഷിക്കും. അനധികൃത സ്വത്ത് സമ്പാദവുമായി ബന്ധപ്പെട്ട് ഷാജിക്കെതിരേ വിജിലന്സ് കേസ് രജിസ്റ്റര് ചെയ്തിരുന്നു.
