ന്യുഡല്ഹി :കുട്ടികളിലെ കോവിഡ് വാക്സിനേഷന് അടുത്ത മാസം തുടങ്ങാന് കഴിഞ്ഞേക്കുമെന്ന് കേന്ദ്ര ആരോഗ്യമന്ത്രി മന്സൂക് മാദവ്യ. ബി.ജെ.പി പാര്ലമെന്ററി പാര്ട്ടി യോഗത്തിലാണ് ആരോഗ്യമന്ത്രിയുടെ വെളിപ്പെടുത്തല്. കുട്ടികളുടെ വാക്സിനേഷനാണ് ഈ ദിവസങ്ങളില് സുപ്രധാനമായതെന്ന് പ്രധാനമന്ത്രി നരേന്ദ്ര മോദി യോഗത്തില് ചൂണ്ടിക്കാട്ടിയപ്പോഴാണ് മന്ത്രിയുടെ മറുപടി.
കോവിഡ് വ്യാപനം തടയുന്നതില് നിര്ണായകമായ ചുവടുവയ്പായിരിക്കുമിതെന്നും മൂന്നാം തരംഗത്തിന്റെ പശ്ചാത്തലത്തില് രാജ്യത്തെ സ്കൂളുകള് വീണ്ടും തുറന്നുപ്രവര്ത്തിക്കുന്നതിനുള്ള സാഹചര്യമൊരുങ്ങുമെന്നും വിദഗ്ധര് പ്രതികരിക്കുന്നു. സിഡസ് കാഡില വാക്സിന് ലഭ്യമകുന്നതോടെ സെപ്തംബര് മുതല് വാക്സിനേഷന് നടത്താന് കഴിയുമെന്ന് നാഷണല് എക്സ്പേര്ട്ട് ഗ്രൂപ്പ് അധ്യക്ഷന് ഡോ. എന്.കെ അറോറ പറഞ്ഞിരുന്നു.
12-18 പ്രായപരിധിയിലുള്ളവര്ക്കാണ് ഈ ഘട്ടത്തില് വാക്സിന് നല്കുക. ഭാരത് ബയോടെകിന്റെ കോവാക്സിനും സിഡസ് കാഡിലയുമാണ് കുട്ടികളില് വാക്സിന് പരീക്ഷണം നടത്തുന്നത്. സെപ്തംബറോടെ കോവാക്സിന് പരീക്ഷണ ഫലം ലഭ്യമാകുമെന്ന് എയിംസ് മേധാവി റണ്ദീപ് ഗുലേറിയ പറഞ്ഞു.
