ടോക്കിയോ: ടോക്കിയോ ഒളിംപിക്സ് 'ഇടിക്കൂട്ടില്' ഇന്ത്യയ്ക്ക് അപ്രതീക്ഷിത പ്രഹരം. ഇന്ത്യയുടെ ഉറച്ച മെഡല് പ്രതീക്ഷയായിരുന്ന മേരി കോം പ്രീക്വാര്ട്ടറില് പുറത്ത്. വനിതാ ബോക്സിങ്ങില് ഫ്ളൈവെയ്റ്റ് വിഭാഗത്തില് ബോക്സിങ്ങില് ലോക ചാംപ്യന് കൂടിയായ മേരി കോം പ്രീ ക്വാര്ട്ടറില് കൊളംബിയയുടെ ഇന്ഗ്രിറ്റ് വലന്സിയയോടാണ് തോറ്റ് പുറത്തായത്. 3-2 സ്കോറിനാണ് ഇന്ത്യന് പ്രതീക്ഷ അസ്തമിച്ചത്.
അതേസമയം പുരുഷ ഹോക്കിയില് ഇന്ത്യന് ടീമും ബാജ്മിന്റണ് വനിതാ സിംഗിള്സില് പി.വി സിന്ധുവും പുരുഷന്മാരുടെ ബോക്സിങ്ങില് സൂപ്പര് ഹെവിവെയ്റ്റ് (91 കിലോഗ്രാം) വിഭാഗത്തില് ഇന്ത്യന് താരം സതീഷ് കുമാറും ക്വാര്ട്ടറിലെ്തി.
പ്രീക്വാര്ട്ടറില് ജമൈക്കെയുടെ റിക്കാര്ഡോ ബ്രൗണിനെ 4-1 ന് മറികടന്നാണ് സതീഷ് കുമാര് ക്വാര്ട്ടറിലെത്തിയത്. അമ്പെയത്തില് ഷൂട്ട് ഓഫലേക്ക് നീണ്ട ആവേശപ്പോരാട്ടത്തില് ദക്ഷിണ കൊറിയയുടെ മുന്നാം സീഡായ ഓഹ് ജിന് ഹിയെക്കിനെ വീഴ്ത്തി ഇന്ത്യയുടെ അതാനു ദാസ് പുരുഷ വിഛാഗം റീകര്വ് വ്യക്തമഗത ഇനത്തില് പ്രീക്വാര്ട്ടറിലെത്തി. പുരുഷ വിഭാഗം ഹോക്കിയില് പൂള് എയില് നിലവിലെ ചാംപ്യന്മാരായ അര്ജന്റീനയെ ഒന്നിനെതിരെ മൂന്ന് ഗോളുകള്ക്ക് തകര്ത്ത്ാണ് ഇന്ത്യന് ടീം ക്വാര്ട്ടര് ഉറപ്പാക്കിയത്. ബാഡ്മിന്റണില് ഇന്ത്യന് മെഡല് പ്രതീക്ഷ പിവി സിന്ധു ഡെന്മാര്ക്കിന്റെ ലോക 12-ാം നമ്പര് താരം മിയ ബ്ലിച്ഫെല്റ്റിനെ തകര്ത്താണ് ക്വാര്ട്ടറിലെത്തിയത്.
