ന്യൂഡല്ഹി: സൗന്ദര്യവര്ദ്ധക വസ്തുക്കളുടെ ഏറ്റവും വലിയ വിപണികളില് ഒന്നായതിനാല് ഇന്ത്യയിലെയും പുറത്തെയും അനേകം കമ്പനികളാണ് ഫെയര്നെസ് ക്രീമുമായി രംഗത്ത് വന്നിരിക്കുന്നത്. എന്നാല് ഇന്ത്യന് വിപണിയില് ആദ്യമെത്തിയ മേക്കപ്പിനായി ഉപയോഗിക്കുന്ന സൗന്ദര്യ വര്ദ്ധക സാമഗ്രി അഫ്ഗാനില് നിന്നുള്ളതായിരുന്നു. മഹാത്മാഗാന്ധി പരസ്യം ചെയ്ത ഉല്പ്പന്നം പിന്നീട് വമ്പന്മാര് വന്നതോടെ കാലഹരണപ്പെട്ടു.
അഫ്ഗാനിസ്ഥാനിലെ ഒരു രാജാവ് 1919 ല് ഇന്ത്യ സന്ദര്ശിച്ചപ്പോള് അദ്ദേഹത്തെ കാണാനെത്തിയ അഞ്ചു യുവാക്കളില് ഒരാളായിരുന്ന രജപുത്താനയിലെ സൗന്ദര്യ വര്ദ്ധക സാമഗ്രികളും സുഗന്ധദ്രവ്യ ഉല്പ്പന്നങ്ങളും നിര്മ്മിക്കുന്ന ബിസിനസുകാരനായ ഇബ്രാഹീം സുല്ത്താനലി പത്താന്വാലയായിരുന്നു അഫ്ഗാന് സ്നോ ആദ്യമായി അവതരിപ്പിച്ചത്. താന് നിര്മ്മിച്ച വിവിധ ഉല്പ്പന്നങ്ങള് ഇയാള് രാജാവിന് കാഴ്ച വെച്ചു. അതില് പേരെഴുതാത്ത ഒരുജാര് വെള്ള ക്രീം ഉണ്ടായിരുന്നു. ഇത് 'അഫ്ഗാന് സ്നോ' ആണെന്നു രാജാവിനെ അറിയിച്ചു.
ക്രീം മേക്കപ്പ് സാധനവും സണ്സ്ക്രീമിന്റെ ഉപയോഗം വരുന്നതുമായിരുന്നു. പിന്നീട് പ്രചാരം നേടിയ ബ്രാന്ഡ് 1952 ല് ബോംബേയില് നടത്തപ്പെട്ട ആദ്യ മിസ് ഇന്ത്യ മത്സരത്തിന്റെ സ്പോണ്സര്മാരുടെ പട്ടികയിലും ഉണ്ടായിരുന്നു. അക്കാലത്ത് മങ്ങിയതും ഇരുണ്ടതുമായ ഇന്ത്യന് യുവതികള്ക്കിടയില് ക്രീമിന് വലിയ പ്രചാരം കിട്ടി. 1970 കളില് വരെ ഇത് ഇന്ത്യയില് വലിയ പ്രചാരമുണ്ടായിരുന്ന അഫ്ഗാന് സ്നോയ്ക്ക്.
പ്രണയം കണ്ടെത്താനാണെങ്കിലും പ്രൊഫഷണല് വിജയത്തിനാണെങ്കിലും കറുത്ത തൊലി തടസ്സമാണെന്നും ഇരുണ്ട നിറം ഈ ഉല്പ്പന്നങ്ങള് മാന്ത്രികമായി ഇല്ലാതാക്കും എന്നും പ്രചരിപ്പിച്ചു കൊണ്ട് അനേകം ക്രീമുകള് ഇന്ത്യന് വിപണിയില് നില നില്ക്കുമ്പോള് അഫ്ഗാന് സ്നോ ഇതില് നിന്നും വ്യത്യസ്തമായി മുഖത്തെ ചെളി നീക്കും കൂടുതല് തിളക്കമുള്ളതായി തോന്നും എന്ന പരസ്യവുമായിട്ടാണ് എത്തിയത്. ചര്മ്മത്തെ പൊടിയില് നിന്നും മാലിന്യത്തില് നിന്നും ശുചിയാക്കുകയും തിളക്കമാര്ന്നതാക്കി മാറ്റുകയും ചെയ്യും എന്നായിരുന്നു അതിന്റെ പരസ്യം.
സ്വാതന്ത്ര്യ സമരചരിത്രത്തിലും ഇടംപിടിച്ച സാധനമായിരുന്നു ക്രീം. ഗ്ലാസ് ബോട്ടിലില് പുറത്തു നിന്നും എത്തുകയും അഫ്ഗാനിസ്ഥാന് രാജാവിന്റെയും ജലവാറിലെ രാജാവിന്റെയും കൂടിക്കാഴ്ച പുറത്തെ ലേബലാക്കിയും എത്തിയ ക്രീം ഇന്ത്യയില് സ്വദേശിപ്രസ്ഥാനം കൊടികുത്തി വാഴുന്ന കാലത്ത് വലിയ പ്രതിഷേധവും നേരിട്ടു. പേരിലും പാക്കേജിലും വിദേശീയത്വം തോന്നിപ്പിച്ച ഉല്പ്പന്നവും വിദേശ വസ്തുക്കളുടെ ബഹിഷ്ക്കരണത്തില് കുടുങ്ങി. ഇതോടെ മഹാത്മാഗാന്ധി തന്നെ നേരിട്ട് ഇടപെട്ടു.
സ്വദേശിപ്രസ്ഥാനം അതിന്റെ മൂര്ദ്ധന്യാവസ്ഥയില് നില്ക്കുന്ന കാലഘട്ടത്തില് പേരിലും പാക്കേജിലും വിദേശീയത്വവും പേറി വന്ന ക്രീമിനെ തുടക്കത്തില് തന്നെ ഇന്ത്യാക്കാര് ബോയ്ക്കോട്ട് ചെയ്തു. ഇതോടെ ഇ.എസ്. പത്താന്വാല മഹാത്മാഗാന്ധിയോട് തന്നെ സഹായവും തേടി. തന്നെ തന്നെ പരസ്യമായി നല്കിയാണ് ഗാന്ധി പത്താന്വാലയെ തുണച്ചത്. ഈ ഉല്പ്പന്നം ഉപയോഗിക്കാന് ഇന്ത്യാക്കാരോട് അദ്ദേഹം ആവശ്യപ്പെടുകയും ചെയ്തു. ഒരുപക്ഷേ ഇന്ത്യയിലെ ആദ്യ സ്റ്റാര്ട്ട് അപ്പും അഫ്ഗാന് സ്നോ ആയിരിക്കണം.
ഇതിന്റെ വിപണി മുതലാക്കി പിന്നീട് അനേകം സൗന്ദര്യ വര്ദ്ധക ക്രീമുകളാണ് വിപണിയില് എത്തിയത്. എന്നാല് വമ്പന് ബ്രാന്ഡുകളും വമ്പന് പരസ്യ ബഡ്ജറ്റുകളും ആകര്ഷകമായ അത്യാധുനിക പാക്കേജുകളും വിപണിയില് മത്സരം തീര്ക്കുമ്പോള് അതില് പിടിച്ചു നില്ക്കാന് കഴിയാതെ പോകുകയായിരുന്നു.
