മുംബൈ: ഒറ്റ രാത്രി കൊണ്ട് കിട്ടിയ വമ്പന് കോളില് സ്വപ്നത്തില് പോലും വിചാരിക്കാത്ത നേട്ടവുമായി മുംബൈയില് മത്സ്യത്തൊഴിലാളി. മഹാരാഷ്ട്രയില് മുംബൈയ്ക്ക് സമീപം പള്ഗാറിലെ മുര്ബേ ഗ്രാമത്തിലെ ചന്ദ്രകാന്ത് താരേ എന്ന മത്സ്യത്തൊഴിലാളിയാണ് ആഗസ്റ്റ് 28 ന് മത്സ്യബന്ധനത്തിന് പോയി കോടീശ്വരനായി മാറിയത്.
കഴിഞ്ഞ ദിവസം ഇയാളുടെ വലിയില് കുടുങ്ങിയ ഘോല് മത്സ്യത്തിന് പറഞ്ഞ വില 1.33 കോടി. ഒറ്റ വലയിടലില് തന്നെ 150 ഓളം വില കൂടിയ വലിയ ഘോല് മത്സ്യമാണ് കുരുങ്ങിയത്. മണ്സൂണിലെ മത്സ്യബന്ധന നിരോധനം എടുത്തുമാറ്റിയതിന് പിന്നാലെ ബോട്ടുമായി കടലില് ഇറങ്ങിയപ്പോഴാണ് വലിയ സൗഭാഗ്യം കിട്ടിയത്. രുചിയ്ക്കും ഔഷധഗുണത്തിനും ഏറെ പേരുകേട്ടതും വിവിധ രാജ്യങ്ങളില് ഉയര്ന്ന മൂല്യമുള്ളതുമായ ഘോല് മത്സ്യത്തെ ''സ്വര്ണ്ണത്തിന്റെ ഹൃദയമുള്ള മത്സ്യം'' എന്നാണ് വിശേഷിപ്പിക്കുന്നത് തന്നെ.
ഏറെ വലിപ്പമുള്ള ഇത്രയധികം ഘോല് മത്സ്യം കിട്ടിയതോടെ ബോട്ടിലുള്ളവര്ക്ക് സന്തോഷം നിയന്ത്രിക്കാനായില്ല. വലിച്ചു കേറ്റിയപ്പോള് തന്നെ മൊബൈലില് എല്ലാവരും പകര്ത്തി. കടലില് നിന്നും കരയിലെത്തിയപ്പോള് തന്നെ മീനിന് 1.33 കോടിയാണ് ലേലം പറഞ്ഞത്. ഇന്തോ പസഫിക് മേഖലയില് കാണുന്ന മത്സ്യവിഭാഗമാണ് ഇത്.
കരാറിന്റെ കാര്യം ചന്ദ്രകാന്ത് താരേയുടെ മകന് സോമനാഥ് സ്ഥിരീകരിച്ചിട്ടുണ്ട്. അതേസമയം കരാര് ഇതുവരെ പൂര്ണ്ണമായിട്ടില്ലെന്നും ഘോല് മത്സ്യത്തിന്റെ വയറിനകത്തെ കോശത്തിന് വിദേശത്ത് വലിയ ഡിമാന്റാണ് ഉള്ളത്. കടല് മത്സ്യങ്ങളില് ഏറ്റവും മൂല്യം കൂടിയ മത്സ്യങ്ങളുടെ പട്ടികയിലാണ് ഇതിനെ ഉള്പ്പെടുത്തിയിരിക്കുന്നത്.
