കൊല്ലം: പ്രധാനമന്ത്രിയ്ക്ക് നല്കാനായി കൊല്ലം സ്വദേശിനിയായ പെണ്കുട്ടി സമ്മാനിച്ച ‘പേര തൈ’ പ്രധാനമന്ത്രിയുടെ ഔദ്യോഗിക ബംഗ്ലാവിന്റെ മുറ്റത്ത് വളരുമെന്ന് സുരേഷ്ഗോപി എംപി. പ്രധാനമന്ത്രിയ്ക്കായി നല്കിയ സമ്മാനം താന് അദ്ദേഹത്തിന്റെ കയ്യില് കൊടുത്തിട്ടുണ്ടെന്നും സുരേഷ്ഗോപി സാമൂഹ്യമാധ്യമ പേജില് കുറിച്ചു. ശുദ്ധ ജനാധിപത്യത്തിന്റെ സന്ദേശം എന്നാണ് സുരേഷ്ഗോപി സംഭവത്തെ വിശേഷിപ്പിച്ചിരിക്കുന്നത്.
പത്തനാപുരം സ്വദേശിയായ ജയലക്ഷ്മി എന്ന പെണ്കുട്ടിയാണ് സമ്മാനം പ്രധാനമന്ത്രിക്ക് സുരേഷ് ഗോപിയുടെ കൈവശം കൊടുത്തുവിട്ടത്. എംപി. പത്തനാപുരം ഗാന്ധിഭവന് സന്ദര്ശനത്തിനിടെയാണ് പെണ്കുട്ടി താന് നട്ടുവളര്ത്തിയ പേര മരത്തിന്റെ തൈ സുരേഷ് ഗോപിക്ക് നല്കിയത്.
ജയലക്ഷ്മിയുടെ ആഗ്രഹപ്രകാരം താനിത് പ്രധാനമന്ത്രിക്ക് സമ്മാനിക്കാമെന്ന് സുരേഷ് ഗോപി ഉറപ്പുനല്കിയിരുന്നു. ഈ ഉറപ്പ് താന് പാലിച്ചിരിക്കുകയാണെന്ന് മോദിക്ക് കൈമാറുന്ന ചിത്രം പങ്കുവച്ചുകൊണ്ട് താരം കുറിച്ചു.
‘‘പത്തനാപുരത്ത് നിന്ന് ഒരു കുഞ്ഞ് മോള് കൊടുത്തയച്ച ചെടി അദ്ദേഹത്തിന്റെ കയ്യിൽ എത്തിയിട്ടുണ്ടെങ്കിൽ, അദ്ദേഹത്തിന്റെ ഔദ്യോഗിക ബംഗ്ലാവിന്റെ മുറ്റത്ത് ഇത് നട്ടിട്ട് പത്തനാപുരത്തുള്ള ഒരു കുഞ്ഞിന്റെ തൈ എന്റെ മുറ്റത്ത് വളരുന്നു എന്നൊരു ഇന്ത്യൻ പ്രധാനമന്ത്രി പറയുന്നതും നാളെ നമുക്ക് പ്രതീക്ഷിക്കാം. എന്തായാലും ഇതൊരു വലിയ സന്ദേശമാണ്, ശുദ്ധ ജനാധിപത്യത്തിന്റെ സന്ദേശം.’’ സുരേഷ് ഗോപി കുറിച്ചു.
