പൊലീസുകാരുമായി സൗഹൃദം ഉണ്ടാക്കി അശ്ളീല ചാറ്റിങ്ങും പണംതട്ടലും അടക്കം നടത്തിയ യുവതിയ്ക്കെതിരേ പോലീസ് കേസെടുത്തു. സാമൂഹ്യ മാധ്യമങ്ങള് വഴി പരിചയപ്പെട്ട ശേഷമായിരുന്നു ഹണിട്രാപ്പില് കുടുക്കിയത്. കൊല്ലം റൂറല് പൊലീസിലെ എസ്.ഐയുടെ പരാതിയിലാണ് അഞ്ചല് സ്വദേശിനിക്കെതിരെയാണ് കേസ് എടുത്തത്. കെണിയില്പെട്ടവരില് എസ്.ഐ മുതല് ഐ.പി.എസ് ഉദ്യോഗസ്ഥര് വരെയുണ്ടെന്നാണ് അഭ്യൂഹം.
കേരള പൊലീസിനാകെ നാണക്കേടായി മാറിയ ഹണിട്രാപ്പില് ഒട്ടേറെ പൊലീസുകാര് ഇരകളായതായും യുവതി ലക്ഷങ്ങള് തട്ടിയെടുത്തതായും സൂചനയുണ്ട്. യുവതിയുമായി ചിലര് നടത്തിയ സംഭാഷണത്തിന്റെ വാട്സാപ്പ് ചാറ്റുകളും ശബ്ദരേഖകളുമെല്ലാം പ്രചരിക്കുന്നുമുണ്ട്. ഫേസ്ബുക്കിലൂടെ പോലീസുകാരെ തെരഞ്ഞെുപിടിച്ച് സൗഹൃദമുണ്ടാക്കി അശ്ളീല ചാറ്റിങ്ങില് ഏര്പ്പെടും, പിന്നീട് അതിന്റെ പേരില് ഭീഷണിപ്പെടുത്തുന്നതാണ് രീതി.
ഇന്നലെ കൊല്ലം റൂറല് പൊലീസ് ആസ്ഥാനത്തുള്ള എസ്.ഐ. തിരുവനന്തപുരം പാങ്ങോട് സ്റ്റേഷനില് പരാതി നല്കിയതോടെയാണ് കേസെടുത്തത്. പരിചയപ്പെട്ട് സൗഹൃദത്തിലായ ശേഷം പലപ്പോഴായി ഒരു ലക്ഷത്തോളം രൂപ ഭീഷണിപ്പെടുത്തി വാങ്ങിയെന്നാണ് പരാതി. പലര്ക്കും അബദ്ധം പിണയുകയും ലക്ഷങ്ങള് നഷ്ടമാകുകയും ചെയ്തിട്ടുണ്ടെങ്കിലും നാണക്കേട് കാരണം മറച്ചു വെച്ചിരിക്കുകയാണ്. കൊല്ലം അഞ്ചല് സ്വദേശി എന്നാണ് ആരോപണ വിധേയായ യുവതി ഫേസ്ബുക്കില് രേഖപ്പെടുത്തിയിരിക്കുന്നത്. എങ്കിലും വര്ഷങ്ങളായി തിരുവനന്തപുരത്താണ് താമസം.
