ന്യൂഡല്ഹി: ട്വന്്റി20 ലോകകപ്പിനുശേഷം സ്ഥാനമൊഴിയുന്ന ഇന്ത്യന് ക്രിക്കറ്റ് ടീമിന്െ്റ മുഖ്യ പരിശീലക സ്ഥാനത്തേക്ക് വീണ്ടും അനില് കുംബ്ലെയെ പരിഗണിക്കാന് ബിസിസിഐ. പരിശീലക ജോലിയ്ക്കായി അപേക്ഷിക്കാന് ആവശ്യപ്പെട്ട് ബിസിസിഐ പ്രതിനിധികള് അനില് കുബ്ലെയെ സമീപിച്ചതായാണ് റിപ്പോര്ട്ട്.
2016-2017 കാലഘട്ടത്തില് അനില് കുംബ്ലെ ഇന്ത്യന് ക്രിക്കറ്റ് ടീം പരിശീലകനായിരുന്നു. സച്ചിന് തെണ്ടൂല്ക്കര്, സൗരവ് ഗാംഗുലി, വിവിഎസ് ലക്ഷ്മണ് എന്നിവര് ഉള്പ്പെട്ട ഉപദേശക സമിതിയാണ് അഭിമുഖത്തിലൂടെ കുംബ്ലെയെ പരിശീലകനായി തിരഞ്ഞെടുത്തത്. എന്നാല് ഇന്ത്യന് നായകന് വിരാട് കോഹ്ലിയുമായി ഒത്തുചേര്ന്നു പോകാനാകാതെ ഒരു വര്ഷത്തിന് ശേഷം കുംബ്ലെ ഇന്ത്യന് പരിശീലക സ്ഥാനം ഒഴിയുകയായിരുന്നു.
2017 ലെ ചാംപ്യന്സ് ട്രോഫി ഫൈനലില് ഇന്ത്യ പാക്കിസ്ഥാനോട് തോറ്റതിന് പിന്നാലെ ആയിരുന്നു രാജി. കുംബ്ലെയെ കൈവിട്ടത് ഇന്ത്യന് ക്രിക്കറ്റില് തെറ്റായ സന്ദേശം നല്കിയെന്ന തിരിച്ചറിവിലാണ് വീണ്ടും പരിഗണിക്കാന് നീക്കം.
കുംബ്ലെയ്ക്ക് പുറമെ മുന് താരം വിവിഎസ് ലക്ഷ്മണിനോടും പരിശീലക ജോലിക്കായി അപേക്ഷിക്കാന് ബിസിസിഐ ആവശ്യപ്പെട്ടിട്ടുണ്ട്.
