കൊച്ചി: മൂന്നാര് ഉള്പ്പടെ ഇടുക്കിയിലെ എട്ട് വില്ലേജുകളില് നിര്മ്മാണ പ്രവര്ത്തനങ്ങള്ക്ക് എന്.ഒ.സി നിര്ബന്ധമാക്കി. എന്.ഒ.സി നിര്ബന്ധമാക്കിക്കൊണ്ട് മുമ്പ് പുറപ്പെടുവിച്ച ഉത്തരവ് ചോദ്യം ചെയ്തുകൊണ്ട് സമര്പ്പിച്ച ഹര്ജിയിലാണ് ഹൈക്കോടതി ഉത്തരവ്. ഏത് ആവശ്യത്തിനാണോ ഭൂമിയുടെ പട്ടയം നല്കുന്നത് ആ ആവശ്യത്തിന് മാത്രമേ ഉപയോഗിക്കാന് പാടുള്ളു. മൂന്നാര് അടക്കമുള്ള എട്ട് വില്ലേജുകളിലെ അനധികൃത നിര്മ്മാണങ്ങള്ക്കെതിരെ ശക്തമായ നടപടി വേണമെന്നും ഹൈക്കോടതി അഭിപ്രായപ്പെട്ടു.
നിയമലംഘന പ്രവര്ത്തനങ്ങള്ക്ക് കോടതികള് ചിലവഴിച്ചത് നിയമലംഘനത്തിനുള്ള ന്യായികരണമല്ലെന്നും ഹൈക്കോടതി വിധിയില് പറയുന്നു. എന്നാല് എന്.ഒ.സി നിര്ബന്ധമാക്കിയാല് നിര്മ്മാണത്തിനായി ചിലവഴിച്ച കോടികള് പാഴാകുമെന്നായിരുന്നു റവന്യൂവകുപ്പിന്റെ ഉത്തരവ് ചോദ്യം ചെയ്ത് റിസോട്ട് ഉടമകള് രംഗത്ത് എത്തിയിരുന്നു.
