ഇന്ത്യയില് നിന്ന് മോഷ്ടിച്ച ടിപ്പു സുല്ത്താന്റെ സിംഹാസനത്തിന്റെ ഒരു ഭാഗം ലേലത്തിന് വെച്ച് യുകെ ഗവണ്മെന്റ്. യുകെ ഗവണ്മെന്റിന്റെ ഡിജിറ്റല് കള്ച്ചര് മീഡിയ ,സ്പോര്ട്സ് വകുപ്പാണ് 15 കോടിക്ക് ലേലത്തിനു വെച്ചിരിക്കുന്നത്.
ടിപ്പു സുല്ത്താന്റെ സിംഹാസനത്തിലുണ്ടായിരുന്ന എട്ട് സ്വര്ണ കടുവാ തലകളിലൊന്നാണ് ലേലം ചെയ്യുന്നത്. 14,98,64,994 രൂപയാണ് ഇതിന്റെ മൂല്യം. പതിനെട്ടാം നൂറ്റാണ്ടില് ഇന്ത്യയിലുണ്ടായിരുന്ന വസ്തു ലേലത്തിലൂടെ രാജ്യം വിട്ടു പോകാതിരിക്കാന് താത്കാലിക കയറ്റുമതി നിരോധനവും ഏര്പ്പെടുത്തിയിട്ടുണ്ട്.
