വിമാനയാത്രക്കിടെ കോവിഡ്​ പോസിറ്റീവായി; അധ്യാപിക ക്വാറന്‍റീനിൽ കഴിഞ്ഞത് ബാത്ത്​റൂമിൽ

വാഷിങ്​ടൺ: വിമാനയാത്രക്കിടെ കോവിഡ്​ സ്ഥിരീകരിച്ചതിനെ തുടർന്ന്​ മൂന്ന്​ മണിക്കൂർ വിമാനത്തിന്‍റെ ബാത്ത്​റൂമിൽ ക്വാറന്‍റീനിൽ കഴിഞ്ഞ്​ അധ്യാപിക. യാത്രക്കിടെ ​തൊണ്ടവേദന അനുഭവപ്പെട്ടതിനെ തുടർന്ന്​ കൈയിലുണ്ടായിരുന്നു കോവിഡ്​ പരിശോധന കിറ്റ്​ ഉപയോഗിച്ച്​ പരിശോധന നടത്തുകയായിരുന്നു.

സ്വിറ്റ്​സർലാൻഡിലേക്കുള്ള വിനോദയാത്രക്കിടെയാണ്​ മരീസ ഫോട്ടിയോക്ക്​ രോഗബാധ സ്ഥിരീകരിച്ചത്​.

ചിക്കാഗോയിൽ നിന്നായിരുന്നു ഇവർ ഐസ്​ലാൻഡിലേക്കുള്ള വിമാനം കയറിയത്​. അവിടെ നിന്നും സ്വിറ്റ്​സർലാൻഡിലേക്ക്​ പോകാനായിരുന്നു പദ്ധതി.

വിമാനത്തിൽ കയറുന്നതിന്​ മുമ്പ്​ രണ്ട്​ തവണ പി.സി.ആർ പരിശോധനയും അഞ്ച്​ തവണ റാപ്പിഡ്​ ടെസ്റ്റും നടത്തി. പരിശോധനകളുടെ ഫലമെല്ലാം നെഗറ്റീവായിരുന്നു. ​

ഉടൻ തന്നെ വിമാന ജീവനക്കാരെ വിവരമറിയിച്ചു.

​വിമാനത്തിന്‍റെ ജീവനക്കാർ തനിക്കായി സീറ്റ്​ ഒരുക്കാൻ ശ്രമിച്ചു. എന്നാൽ, വിമാനത്തിൽ യാത്രികരുടെ എണ്ണം കൂടുതലയാതിനാൽ അത്​ സാധ്യമായില്ല. തുടർന്ന്​ അധ്യാപിക വിമാനത്തിന്‍റെ ബാത്ത്​റൂമിൽ ക്വാറന്‍റീനിലിരിക്കാൻ തീരുമാനിക്കുകയായിരുന്നു.