ഇന്ത്യയിലെ ഒരു ഉള്നാടന് ഗ്രാമത്തിലേക്ക് ഗര്ഭിണികള് ആകാനായി മാത്രം യുവതികള് എത്തുന്നുവെന്ന് റിപ്പോര്ട്ട്. ലഡാക്കിലെ ധാ, ഹാനു എന്നീ ഗ്രാമങ്ങളിലേക്കാണ് യൂറോപ്യന് യുവതികള് എത്തുന്നതെന്നാണ് റിപ്പോര്ട്ടുകള്. ധാ, ഹാനു ഗ്രാമത്തിലെ പുരുഷന്മാരെല്ലാം തന്നെ ആര്യന്മാരാണ്. അതിനാല് ആര്യന് രക്തത്തിലുള്ള കുട്ടികളെ കിട്ടാനായാണ് ഇവര് എത്തുന്നതെന്നും ഏഴാം നൂറ്റാണ്ട് വരെ പഴക്കമുള്ള ഐതിഹ്യവും ഇതിന് പിന്നിലുണ്ടെന്നാണ് റിപ്പോര്ട്ട്.
അന്നത്തെ ഭരണാധികാരിയായ അലക്സാണ്ടര് ദി ഗ്രേറ്റ് ഇന്ത്യ ആക്രമിച്ച ശേഷം തിരികെ പോയപ്പോള് നിരവധി യോദ്ധാക്കള് ഇന്ഡസ് വാലിയില് സ്ഥിരതാമസമാക്കി. ഇവരുടെ വംശജരാണ് ഈ പുരുഷന്മാരെന്നാണ് വിശ്വാസം. ഇളം നിറമുള്ള കണ്ണുകള്, ഉയര്ന്ന കവിള്ത്തടങ്ങള്, നീണ്ട മുടി, വിളറിയ ചര്മ്മം, ടിബറ്റന് ആളുകളെക്കാള് പൊക്കം എന്നിങ്ങനെയാണ് ഇവരുടെ രൂപഘടന.
ഇന്ന് പൂര്ണമായും ആര്യന്മാരായിട്ടുള്ളത് ഇവര് മാത്രമെന്നാണ് വിശ്വാസം. ഇവിടെ എത്തുന്ന യുവതികള് ആര്യന്മാരായ പുരുഷന്മാരില് നിന്ന് ഗര്ഭിണികള് ആകുകയും തിരികെ പോകുകയും ചെയ്യുന്നുവെന്നാണ് റിപ്പോര്ട്ട്. മാത്രമല്ല, ഇവിടെ ഉള്ളവര് മറ്റ് വംശത്തിലുള്ളവരെ വിവാഹം കഴിയ്ക്കില്ലെന്നും റിപ്പോര്ട്ടുകളില് പറയുന്നു.
