തിരുവനന്തപുരം: ചുരുളി സിനിമയിലെ ഭാഷ പ്രയോഗത്തിന് പോലീസിന്റെ ക്ലീന് ചിറ്റ്. പ്രദര്ശനത്തിന് മുന്പ് തന്നെ സ്ക്രീനില് മുന്നറിയിപ്പ് നല്കുന്നുണ്ട്. ഒ.ടി.ടി പൊതുഇടമായി കണക്കാക്കാനാവില്ല. ഭാഷാപ്രയോഗം കഥാപാത്രത്തിനും കലാസൃഷ്ടിക്കും ഉതകുന്നതാണ്. ചുരുളി സിനിമയ്ക്കെതിരെ നിയമനടപടി സ്വീകരിക്കാനാവില്ലെന്നും പ്രത്യേക അന്വേഷണ സംഘം ഡി.ജി.പിക്ക് റിപ്പോര്ട്ട് നല്കി.
എ.ഡി.ജി.പി പത്മകുമാറിന്റെ നേതൃത്വത്തിലുള്ള പ്രത്യേക സംഘമാണ് പരാതി അന്വേഷിച്ചത്. ചിത്രം പൊതു ധാര്മ്മികതയ്ക്ക് നിരക്കാത്തതാണെന്നും ഒ.ടി.ടി പ്ലാറ്റ്ഫോമില് നിന്നും പിന്വലിക്കണമെന്നും ആവശ്യപ്പെട്ട് തൃശൂര് സ്വദേശിനിയായ അഭിഭാഷക ഹൈക്കോടതിയെ സമീപിച്ചിരുന്നു. സിനിമ സമൂഹത്തെ സ്വാധീനിക്കുന്ന കലാരൂപമാണെന്നും ചുരുളിയിലെ സംഭാഷണങ്ങള് സ്ത്രീകളുടെയും കുട്ടികളുടെയും അന്തസ് കളങ്കപ്പെടുത്തുന്നതാണെന്നുമായിരുന്നു പരാതി.
ഇതേതുടര്ന്നാണ് ചുരുളിയില് ഏതെങ്കിലും തരത്തിലെ നിയമലംഘനമുണ്ടോയെന്നറിയാന് ഹൈക്കോടതി ഡിജിപിയ്ക്ക് നിര്ദേശം നല്കിയത്. എഡിജിപി പത്മകുമാര്, തിരുവനന്തപുരം റൂറല് എസ്പി ദിവ്യ ഗോപിനാഥ്, തിരുവനന്തപുരം സിറ്റി അഡ്മിന് എസിപി എ നസീമ എന്നിവരാണ് ഇതുമായി ബന്ധപ്പെട്ടുള്ള റിപ്പോര്ട്ട് തയ്യാറാക്കിയത്.
