ആശുപത്രിക്കിടക്കയില് നിന്നും ആദ്യ സമൂഹമാധ്യമ കുറിപ്പ് പങ്കിട്ട് ബിടിഎസ് താരം ജിമിന്. അപ്പന്ഡിസൈറ്റിസിനെ തുടര്ന്ന് അടിയന്തര ശസ്ത്രക്രിയയ്ക്കു വിധേയനായ താരം ഇപ്പോള് സുഖം പ്രാപിച്ചു വരികയാണ്. 'എന്നെപ്രതി നിങ്ങള് വിഷമിച്ചിരുന്നു അല്ലേ' എന്ന് സമൂഹമാധ്യമത്തില്ക്കുറിച്ച് ജിമിന്, തന്റെ ആരോഗ്യം മെച്ചപ്പെട്ടുകൊണ്ടിരിക്കുയാണെന്ന് ആരാധകരെ അറിയിച്ചു.
'എനിക്ക് ആശങ്കയും ഭയവുമുണ്ടായിരുന്നു. പക്ഷേ ഞാന് സുഖം പ്രാപിച്ചുവരികയാണ്. എത്രയും വേഗം ആശുപത്രി വിടാമെന്നു പ്രതീക്ഷിക്കുന്നു. ഞാന് ഇപ്പോള് പതിവു പോലെ തന്നെ ആഹാരം കഴിക്കുന്നുണ്ട്. അല്പ നേരം കൂടെ നിങ്ങള് കാത്തിരിക്കൂ. ഞാന് എന്റെ കഴിവുകള് തിരിച്ചു പിടിച്ച് വീണ്ടും പഴയതു പോലെയാകും'ജിമിന് സമൂഹമാധ്യമങ്ങളില് കുറിച്ചു.
ജിമിന്റെ വാക്കുകള് ചുരുങ്ങിയ സമയത്തിനകം ആരാധനലോകത്ത് ചര്ച്ചയായി. ജിമിന് യഥാര്ത്ഥത്തില് എന്താണു സംഭവിച്ചതെന്നുളള ചര്ച്ചകള്ക്കുളള വ്യക്തമായ ഉത്തരം കിട്ടിയതിന്റെ സന്തോഷത്തിലാണ് ആരാധകര്. പ്രിയതാരം എത്രയും വേഗം സുഖം പ്രാപിക്കട്ടെയെന്ന് ആശംസിച്ചു നിരവധി പേര് രംഗത്തെത്തി.
