പരസ്യ ചിത്രങ്ങളില്‍ ഏറ്റവും വടിവൊത്തതും സുന്ദരവുമായ രൂപങ്ങള്‍ അവതരിപ്പിക്കപ്പെടുന്നത് കാലങ്ങളായി പിന്തുടര്‍ന്നു പോരുന്ന രീതിയാണ്. എന്നാല്‍ ഈ പ്രവണത മാറ്റിയെഴുതി സ്ത്രീശരീരങ്ങളിലെ വ്യത്യസ്തത തുറന്നവതരിപ്പിച്ച് പരസ്യ ലോകത്ത് വിപ്ലവം സൃഷ്ടിച്ചിരിക്കുകയാണ് അഡിഡാസ്. വ്യത്യസ്ത ആകൃതികളിലും വലുപ്പത്തിലും നിറത്തിലുമുള്ള 25 സ്തനങ്ങളുടെ ചിത്രങ്ങള്‍ ഉള്‍ക്കൊള്ളിച്ചു കൊണ്ടാണ് അഡിഡാസ് സ്‌പോര്‍ട്‌സ് ബ്രായുടെ പുതിയ പരസ്യം.
വൈവിധ്യത്തെ തുറന്ന മനസ്സോടെ കാണുക എന്ന സമീപനമാണ് കമ്പനി പരസ്യത്തിലൂടെ സ്വീകരിച്ചിരിക്കുന്നത്. 43 വ്യത്യസ്ത സൈസുകളിലാണ് സ്‌പോര്‍ട്‌സ് ബ്രാ പുറത്തിറക്കിയിരിക്കുന്നത്. സപ്പോര്‍ട്ട് ഈസ് എവരിതിങ് എന്ന ഹാഷ് ടാഗോടെ ട്വിറ്ററില്‍ പോസ്റ്റ് ചെയ്ത പരസ്യത്തിന് വന്‍ സ്വീകാര്യതയാണ് ലഭിക്കുന്നത്.
കാലത്തിന് അനുയോജ്യമായ പുരോഗമനപരമായ ആശയം എന്ന വിശേഷണം പരസ്യത്തിന് ലഭിച്ചുകഴിഞ്ഞു. സ്ത്രീ ശരീരങ്ങളെക്കുറിച്ചുള്ള പിന്തിരിപ്പന്‍ കാഴ്ചപ്പാടുകള്‍ മാറ്റിമറിക്കാന്‍ പരസ്യത്തിന് സാധിക്കുമെന്ന പ്രതീക്ഷയാണ് പലരും പങ്കുവയ്ക്കുന്നത്.
Tags
About Author:
ബന്ധപ്പെട്ട വാർത്തകൾ
Comments