തിരുവനന്തപുരം: റഷ്യന് ആക്രമണത്തിന്റെ പശ്ചാത്തലത്തില് യുക്രൈനില് കുടുങ്ങിക്കിടക്കുന്നവരെ തിരികെയെത്തിക്കാന് പ്രത്യേക വിമാനം ഏര്പ്പെടുത്തണമെന്ന് മുഖ്യമന്ത്രി പിണറായി വിജയന്. ഇക്കാര്യം ആവശ്യപ്പെട്ട് അദ്ദേഹം കേന്ദ്ര വിദേശകാര്യ മന്ത്രി എസ്.ജയശങ്കറിന് കത്തയച്ചു. പ്രതിപക്ഷനേതാവ് വി.ഡി സതീശനും മലയാളികളെ തിരികെ എത്തിക്കാന് ഇടപെടണമെന്നാവശ്യപ്പെട്ട് വിദേശകാര്യമന്ത്രിക്ക് കത്തയച്ചിരുന്നു.
യുക്രൈനിലെ പ്രതിസന്ധിയില് വലിയ നിരാശയും ആശങ്കയുമുണ്ട്. മലയാളികള് ഉള്പ്പെടെയുളള ഇന്ത്യക്കാരെ തിരിച്ചെത്തിക്കാന് അടിയന്തരമായി ഇടപെടണം എന്നീ ആവശ്യങ്ങളാണ് മുഖ്യമന്ത്രി അയച്ച കത്തില് പ്രധാനമായും ആവശ്യപ്പെടുന്നത്. യുക്രൈനില് കുടുങ്ങിക്കിടക്കുന്ന ഇന്ത്യക്കാരില് 2323 മലയാളി വിദ്യാര്ഥികളുണ്ട്. ഇവരുടെ കാര്യത്തില് വലിയ ആശങ്കയണ്ടെന്നും അതിനാല് തിരികെ എത്തിക്കാന് പ്രത്യേക വിമാനം അയയ്ക്കണമെന്നുമാണ് കേന്ദ്ര വിദേശകാര്യമന്ത്രിക്ക് അയച്ച കത്തില് മുഖ്യമന്ത്രി ആവശ്യപ്പെടുന്നത്.
