തിരുവനന്തപുരം: തിരുവനന്തപുരത്തെ കാസര്കോടുമായി ബന്ധിപ്പിച്ചു കൊണ്ടുള്ള നിര്ദിഷ്ട സില്വര് ലൈന്
പദ്ധതിയ്ക്ക് ഭൂമി ഏറ്റെടുക്കാന് കിഫ്ബി വഴി 2000 കോടി രൂപ നീക്കിവെച്ചതായി ബാലഗോപാല്. പിണറായി സര്ക്കാരിന്റെ ആദ്യ സമ്പൂര്ണ ബജറ്റ് അവതരണ വേളയിലാണ് ഇക്കാര്യം പറഞ്ഞത്.
ഇതിനുള്ള നടപടികള് പുരോഗമിക്കുകയാണെന്നും ധനമന്ത്രി കെ എന് ബാലഗോപാല് പറഞ്ഞു. കേന്ദ്രത്തിന്റെയും സംസ്ഥാനത്തിന്റെയും ധനവിഹിതത്തിലൂടെയും വിവിധ ഉഭയകക്ഷി കരാറുകളിലൂടെയും തുക കണ്ടെത്താനാണ് ശ്രമിക്കുന്നത്.
കെ ഫോണ് സഹായത്തോടെ സംസ്ഥാനത്ത് 2000 വൈഫൈ ഹോട്സ്പോട്ടുകള് സ്ഥാപിക്കുമെന്ന് ധനമന്ത്രി അറിയിച്ചു. ഇതിനായി 16 കോടി രൂപ നീക്കിവെയ്ക്കും. കെ ഫോണ് പദ്ധതിയുടെ ആദ്യഘട്ടം ജൂണ് 20ന് പൂര്ത്തിയാകുമെന്നും ബാലഗോപാല് വ്യക്തമാക്കി.
