തിരുവനന്തപുരം: സംസ്ഥാനത്ത് പുതുക്കിയ ഓട്ടോ, ടാക്സി, ബസ് നിരക്ക് മേയ് ഒന്നിന് നിലവില് വരുമെന്ന് ഗതാഗതമന്ത്രി ആന്റണി രാജു. നിരക്ക് വര്ധനയ്ക്കുള്ള ശിപാര്ശ ഇന്നു ചേര്ന്ന മന്ത്രിസഭാ യോഗം അംഗീകരിച്ചു. വിദ്യാര്ത്ഥികളുടെ കണ്സഷന് നിരക്ക് വര്ധന പരിശോധിക്കാന് കമ്മീഷനെ നിയോഗിക്കാനും മന്ത്രിസഭ യോഗത്തില് തീരുമാനമായി. ഇതു സംബന്ധിച്ച ഉത്തരവ് ഇന്നോ നാളെയോ പുറത്തിറങ്ങുമെന്നും മന്ത്രി പറഞ്ഞു.
ബസ് മിനിമം നിരക്ക് 10 രൂപയാകും, ഓട്ടോയ്ക്ക് മിനിമം 30 രൂപയാകും. കാറുകള് അഞ്ച് കിലോമീറ്ററിന് മിനിമം 200 രൂപയാകും. ബസ് നിരക്ക് ഒരു കിലോമീറ്ററിന് ഒരു രൂപയാകും. ഫെയര് സ്റ്റേജ് രണ്ടര കിലോമീറ്റര് ആയിരിക്കും. ഉയര്ന്ന ക്ലാസുകളില് പുതിയ ഫെയര് സ്റ്റേജ് വരും.
അതേസമയം, കെഎസ്ആര്ടിസി ദീര്ഘദൂര ബസില് യാത്രക്കാരിക്ക് നേരെ ്രൈഡവറുടെ ഭാഗത്തുനിന്ന് മോശം പെരുമാറ്റമുണ്ടായി എന്ന പരാതി ശ്രദ്ധയില് പെട്ടിട്ടില്ലെന്നും മന്ത്രി പറഞ്ഞു.
