ന്യുഡല്ഹി: 1993 ലെ മുംബൈ സ്ഫോടനക്കേസില് ശിക്ഷിക്കപ്പെട്ട അബു സലീമിന്റെ ശിക്ഷാ കാലാവധി 25 വര്ഷം പൂര്ത്തിയായ സാഹചര്യത്തില് മോചനത്തിന് സുപ്രീം കോടതി ഇടപെടല്. അബു സലീമിന്റെ മോചനം സംബന്ധിച്ച് പോര്ച്ചുഗലിന് കേന്ദ്രസര്ക്കാര് നല്കിയ ഉറപ്പ് പാലിക്കാന് പ്രതിജ്ഞാബദ്ധമാണെന്ന് കോടതി ചൂണ്ടിക്കാട്ടി.
2002ല് തന്നെ ഇന്ത്യയ്ക്ക് കൈമാറുമ്പോള് ജയില് ശിക്ഷ 25 വര്ഷത്തിനപ്പുറം കടക്കില്ലെന്ന് പോര്ച്ചുഗലിന് ഉറപ്പു നല്കിയിരുന്നുവെന്ന് അബു സലീം ചൂണ്ടിക്കാട്ടി. ശിക്ഷ പൂര്ത്തിയാകുന്ന പക്ഷം ഭരണഘടനയുടെ അനുച്ഛേദം 72 പ്രകാരമുള്ള അധികാരം വിനിയോഗിക്കാന് രാഷ്ട്രപതിക്ക് കേന്ദ്രസര്ക്കാര് ശിപാര്ശ നല്കണമെന്നും ജസ്റ്റീസ് എസ്.കെ കൗള്, ജസ്റ്റീസ് എം.എം സുന്ദരേഷ് എന്നിവരുടെ ബെഞ്ച് വ്യക്തമാക്കി.
25 വര്ഷം പൂര്ത്തിയാക്കിയത് സംബന്ധിച്ച പേപ്പറുകള് ഒരു മാസത്തിനകം അയക്കണമെന്നും കോടതി വ്യക്തമാക്കി. 1995ല് മുംബൈ സ്വദേശിയായ നിര്മ്മാതാവ് പ്രദീപ് ജെയിനേയും ഡ്രൈവര് മെഹന്ദി ഹസ്സനെയും വധിച്ച കേസില് 2015 ഫെബ്രുവരി 25ന് പ്രത്യേക ടാഡ കോടതിയും അബു സലീമിന് ജീവപര്യന്തം ശിക്ഷ വിധിച്ചിരുന്നു. 1993 മുംബൈ സ്ഫോടന പരമ്പരയുമായി ബന്ധപ്പെട്ട കേസില് 2005 നവംബര് 11നാണ് അബു സലീമിനെ പോര്ച്ചുഗല് ഇന്ത്യയ്ക്ക് കൈമാറിയത്.
