വില്ലനായും സ്വഭാവനടനായും പ്രേക്ഷക ശ്രദ്ധ നേടിയ ബോളിവുഡ് താരമാണ് സോനു സൂദ്. ബോളിവുഡില് മാത്രമല്ല സൗത്ത് ഇന്ത്യയില് തെലുങ്ക്, കന്നഡ,തമിഴ് ചിത്രങ്ങളിലും താരം സജീവമാണ്. സിനിമകള്ക്കു പുറമേ സോനു സൂദ് പലപ്പോഴും സോഷ്യല് മീഡിയയിലൂടെ ഷെയര് ചെയ്യാറുള്ളത് സാമൂഹിക പ്രതിബദ്ധതയുള്ള പോസ്റ്റുകളാണ്.
കൊവിഡ് മഹാമാരി പിടിച്ചുലച്ച കഴിഞ്ഞ രണ്ട് വര്ഷങ്ങളിലായി കുടിയേറ്റ തൊഴിലാളികള്ക്കുവേണ്ടിയും പാവപ്പെട്ടവര്ക്കുവേണ്ടിയും സാമൂഹിക പ്രവര്ത്തനങ്ങള്, ദുരിതാശ്വാസ പ്രവര്ത്തനങ്ങള് ഏറെ ശ്രദ്ധനേടിയിരുന്നു. ഇപ്പോഴിതാ അതിര്ത്തി കാക്കുന്ന ധീര ജവാന്മാരുടെ ഒരു വീഡിയോ സോഷ്യല് മീഡിയയില് ഷെയര് ചെയ്തിരിക്കുകയാണ് താരം. മഞ്ഞു വീഴ്ചയുള്ള ഇന്ത്യന് അതിര്ത്തിയില് രാവും പകലും തണുപ്പും നോക്കാതെ മഞ്ഞിനുള്ളില് സംരക്ഷണവലയം തീര്ത്തു കിടക്കുന്ന ഇന്ത്യന് സൈനികരാണ് വീഡിയോയില്. സംരക്ഷണവലയം തീര്ക്കുന്നതിനൊപ്പം ഇന്ത്യന് സൈനികര് മഞ്ഞിനിടയില് കിടന്നുറങ്ങുന്നതും അവിടെയായാണെന്ന് ആ വീഡിയോയില് നിന്ന് വ്യക്തം.
‘‘നിശബ്ദ്...എന്റെ രാജ്യത്തെ സൈനികരാണ് എന്റെ രാജ്യത്തെ മഹത്തരമാക്കുന്നത്. ജയ് ഹിന്ദ്....’’ എന്ന ക്യാപ്ഷനും നല്കിയാണ് സോനു സൂദിന്റെ വീഡിയോ. വീഡിയോയ്ക്കൊപ്പം ധീരജവാന്മാരെക്കുറിച്ചുള്ള ബോളിവുഡ് ഗാനവും ബാക്ക്ഗ്രൗണ്ടില് കൊടുത്തിട്ടുണ്ട്. തണുത്തുറഞ്ഞാണെങ്കിലും കടമയില് നിന്നു വ്യതിചലിക്കാത്ത ഇന്ത്യന് സൈനികരുടെ വീഡിയോ ഏറ്റെടുത്തിരിക്കുകയാണ് സാധാരണക്കാര്. പരിധിക്കപ്പുറമുള്ള ഏത് ശബ്ദമായാലും, അവർ എപ്പോഴും എന്തു ചെയ്യാനും തയാറാണ്. കാറ്റും മഴയും എന്തുതന്നെയായാലും ഇന്ത്യൻ സൈനികർ തങ്ങളുടെ ജീവൻ പണയപ്പെടുത്തി അതിർത്തികൾ സംരക്ഷിക്കുകയും രാജ്യത്തെ ജനങ്ങളെ സന്തോഷിപ്പിക്കുകയും ചെയ്യുന്നു.
निशब्द…मेरे देश के सैनिक मेरे देश को महान बनाते हैं।
जय हिन्द 🇮🇳 pic.twitter.com/QTDoFJvmw9— sonu sood (@SonuSood) January 8, 2023
