തമിഴ്നാട്ടിലെ ഏറ്റവും വലിയ ആഘോഷമാണ് പൊങ്കല്. വിഭവ സമൃദ്ധമായ ഭക്ഷണവും മധുര പലഹാരങ്ങളും ഉണ്ടാക്കിയാണ് തമിഴ്നാട്ടുകാര് ഈ ഉത്സവം കൊണ്ടാടുന്നത്. ഇത്തരത്തില് ഇന്ത്യയുടെ വൈവിധ്യമാര്ന്ന ആചാരങ്ങളും ആഘോഷങ്ങളുമെല്ലാം വിദേശികള്ക്കും ഏറെ പ്രിയങ്കരമാണ്. കേരളത്തിന്റെ ദേശീയ ഉത്സവമായ ഓണവും പൂരവുമെല്ലാം വിദേശ ജനതയെ ഇങ്ങോട്ടേക്ക് ആകര്ഷിക്കാറുണ്ട്. എന്നാല് അതുപോലെ തന്നെ തമിഴ് നാടിന്റെ സ്വന്തം പൊങ്കലും വിദേശികള് ഇപ്പോള് ഏറ്റെടുത്തിരിക്കുകയാണ്.
പൊങ്കല് വിരുന്നിലെ വിഭവങ്ങള് ആസ്വദിക്കുന്ന ഒരു സംഘം ഉയര്ന്ന ഉദ്യോഗസ്ഥരുടെ വീഡിയോ വൈറലായതോടെതയാണ് സംഭവം പുറത്തു വരുന്നത്. കാനഡയിലെ വാട്ടര്ലൂവിലെ പൊങ്കല് ആഘോഷമാണ് ഏറെ ശ്രദ്ധ നേടുന്നത്. കാനഡയിലെ തമിഴ് കള്ച്ചര് അസ്സോസിയേഷന്റെ നേതൃത്തത്തിലാണ് വിഭവ സമൃദ്ധമായ വിരുന്നു ഒരുക്കിയത്. വീഡിയോയില് ഉടനിളം കോട്ടും സ്യൂട്ടും ധരിച്ച ഉയര്ന്ന ജോലിക്കാര് വാഴയിലയില് രുചികരമായ പൊങ്കല് ആസ്വദിക്കുകയാണ്. തമിഴ് കള്ച്ചര് അസ്സോസിയേറ്റ് തങ്ങളുടെ ഔദ്യോഗിക ഫേസ് ബുക്ക് പേജിലൂടെയാണ് വീഡിയോ പങ്കുവച്ചിരിക്കുന്നത്. നിമിഷ നേരങ്ങള്ക്കുള്ളില് തന്നെ ഏറെ ശ്രദ്ധ നേടിയ വീഡിയോയ്ക്ക് നിരവധിപേര് കമന്റിലൂടെ പൊങ്കല് ആശംസകള് നേരുകയും ചെയ്തു.
