ശമ്പളത്തെ അടിസ്ഥാനപ്പെടുത്തി ഉയര്ന്ന പി.എഫ് പെന്ഷന് ലഭിക്കാനുളള അപേക്ഷ സമര്പ്പിക്കാന് പ്രോവിഡന്റ് ഫണ്ട് ഓര്ഗനൈസേഷന്റെ അറിയിപ്പിനായി കാത്തിരിക്കേണ്ടെന്ന് മദ്രാസ് ഹൈക്കോടതി. തൊഴിലുടമയ്ക്കും, പ്രോവിഡന്റ് ഫണ്ട് ഓര്ഗനൈസേഷനും സുപ്രീം കോടതി ഉത്തരവ് നടപ്പാക്കുന്നതിന് ബാധ്യതയുണ്ടെന്ന് ജസ്റ്റിസ് എന്.ആനന്ദ് വെങ്കിടേഷ് പറഞ്ഞു.
സുപ്രീംകോടതി ഉയര്ന്ന പെന്ഷന് അനുവദിക്കണമെന്ന് ഉത്തരവിട്ടിട്ടും ബന്ധപ്പെട്ടവരില് നിന്നും പുതിയ അറിയിപ്പുകള് ലഭിച്ചില്ലെന്ന പി. ത്യാഗരാജന്റെ ഹര്ജിയിലാണ് ഹൈക്കോടതി ഉത്തരവ്. സുപ്രീംകോടതിയുടെ ഉത്തരവില് ഹര്ജിയിലെ ആവശ്യമടക്കമുളള വിഷയങ്ങള് പരിഗണിക്കപ്പെട്ടിട്ടുണ്ടെന്നും കാണിച്ച് ഹൈക്കോടതി ഹര്ജി തീര്പ്പാക്കി.
പി.എഫില് നിന്നും നിര്ദ്ദേശം ലഭിക്കാത്തതിനാല് അപേക്ഷ സമര്പ്പിക്കാന് തൊഴിലുടമകള് മുന്നോട്ട് വരുന്നില്ലെന്ന് ഹര്ജിക്കാരന്റെ അഭിഭാഷകന് കോടതിയുടെ ശ്രദ്ധയില്പ്പെടുത്തി. സുപ്രീംകോടതി വിധിയ്ക്ക് സമയപരിധി നിശ്ചയിച്ചിട്ടിട്ടുണ്ടെന്നത് പി.എഫ് അധികാരികള് മറക്കരുതെന്നും ഉത്തരവില് പറയുന്നു.
