തെലങ്കാന മുഖ്യമന്ത്രി ചന്ദ്രശേഖര് റാവുവിനു വൈഎസ്ആര് തെലങ്കാന പാര്ട്ടിയുടെ അധ്യക്ഷ വൈ.എസ് ഷര്മിള സമ്മാനിച്ചത് ഒരു ഷൂ. സംസ്ഥാനത്തെ ജനങ്ങളുടെ പ്രശ്നങ്ങള് മനസ്സിലാക്കുന്നതിനായി തനിക്കൊപ്പം ഒരു ദിവസത്തെ പദയാത്രയ്ക്കു വരാന് ക്ഷണിച്ചാണ് ഷൂ വാങ്ങിയത്. താന് പറയുന്നതു തെറ്റാണെങ്കില് ആ നിമിഷം രാഷ്ട്രീയ ജീവിതം അവസാനിപ്പിച്ചു വീട്ടിലേക്കു മടങ്ങുമെന്നും ഷര്മിള വ്യക്തമാക്കി.
'എനിക്കൊപ്പം ഒരു പദയാത്രയില് പങ്കാളിയാകുന്നതിനു മുഖ്യമന്ത്രി കെസിആറിനെ ക്ഷണിച്ചു. അദ്ദേഹത്തിനു ധരിക്കാനുള്ള ഷൂവും എന്റെ കയ്യിലുണ്ടെന്നു ഷൂ ബോക്സ് ഉയര്ത്തിക്കാട്ടി ഷര്മിള പറഞ്ഞു. ഇതു മുഖ്യമന്ത്രിയുടെ കാല്പാദത്തിനു കണക്കാക്കി വാങ്ങിയതാണ്. അഥവാ പാകമല്ലെങ്കിലും മാറ്റി വാങ്ങുന്നതിനുള്ള ബില്ലും ഇതിനൊപ്പമുണ്ട്.
ഇതാണ് സുവര്ണ്ണ സംസ്ഥാനമെന്നാണ് തെലങ്കാന മുഖ്യമന്ത്രി ചന്ദ്രശേഖര് റാവു പറയുന്നത്. എന്നാല് ഇവിടുത്തെ പല ജനങ്ങളും ഇന്നും ദുരിതങ്ങള് അനുഭവിയ്ക്കുന്നുണ്ട്. ജനങ്ങളുടെ പ്രശ്നങ്ങള് മനസ്സിലകാക്കാന് നാം അവരിലേക്ക് ഇറങ്ങിച്ചെന്നാന് മാത്രമേ അത് തിരിച്ചറിയാന് സാധിയ്ക്കൂ . അതിനുേവണ്ടിയാണ് എേന്നാടൊപ്പം തെലങ്കാനയിലെ ജനങ്ങളുടെ പ്രശ്നങ്ങള് മനസ്സിലാക്കുന്നതിനായി ഒരു ദിവസത്തെ പദയാത്രയ്ക്കു വരാന് ക്ഷണിച്ചതെന്നു ഷര്മിള പറഞ്ഞു. ആന്ധ്രാപ്രദേശ് മുഖ്യമന്ത്രി ജഗന് റെഡ്ഡിയുടെ സഹോദരിയാണ് വൈ.എസ് ഷര്മിള.
തെലങ്കാനയിലെ ജനങ്ങള്ക്ക് പ്രശ്നങ്ങളൊന്നുമില്ലെങ്കില്, അദ്ദേഹം പറയുന്നത് പോലെ അവിടുത്തെ ജനങ്ങള് ദാരിദ്ര്യത്തില് വലയുന്നില്ലെന്നു ഉറപ്പു വരുത്തിയാല് തീര്ച്ചയായും താന് മിസ്റ്റര് കെസിആറിനോട് ക്ഷമ ചോദിക്കുകയും മാത്രമല്ല രാഷ്ട്രീയത്തില് നിന്ന് വിരമിക്കുകയും ചെയ്യുമെന്നും വൈ.എസ് ഷര്മിള പറഞ്ഞു.
എന്നാല് തിരിച്ചു തെലങ്കാനയിലെ ജനങ്ങള് പ്രശ്നങ്ങള് അനുഭവിയ്ക്കുന്നുണ്ടെന്നു കണ്ടാല് അല്ലെങ്കില് കര്ഷകര് കടക്കെണിയില് ഉഴലുന്നുണ്ടെങ്കിലോ, സ്ത്രീകള് ദാരിദ്ര്യത്തില് വലയുന്നുണ്ടെങ്കിലോ, തൊഴില്രഹിതരുണ്ടെങ്കിലോ, ആത്മഹത്യകള് നടക്കുന്നുണ്ടെന്നു തെളിഞ്ഞാലോ കെ.സി.ആര്. രാജി വെച്ചു തെലങ്കാന ജനങ്ങളോട് മാപ്പ് പറയണം. അദ്ദേഹം വാഗ്ദാനം ചെയ്തതു പോലെ ദളിതനെ മുഖ്യമന്ത്രിയാക്കുകയും വേണമെന്നു ഷര്മിള കൂട്ടിച്ചേര്ത്തു.
#WATCH | YSRTP chief YS Sharmila shows a shoe box and asks Telangana CM KCR to join Padayatra with her and know the public problems. pic.twitter.com/tU8Cxn13jE
— ANI (@ANI) February 2, 2023
