ന്യൂഡല്ഹി : രാജ്യത്തെ ഉന്നത വിദ്യാഭ്യാസ സ്ഥാപനങ്ങളില് ആര്ത്തവ അവധി ഏര്പ്പെടുത്താന് സര്ക്കാര് നിയമനിര്മാണം കൊണ്ടു വരുന്ന കാര്യം പരിഗണനയിലില്ലെന്ന് കേന്ദ്ര വിദ്യാഭ്യസ മന്ത്രാലയം. ലോക് സഭയില് രേഖാമൂലുളള ചോദ്യത്തിന് മറുപടി പറയുകയായിരുന്നു കേന്ദ്ര വിദ്യാഭ്യാസ സഹമന്ത്രി സുഭാഷ് സര്ക്കാര്.
വിദ്യാഭ്യാസ സ്ഥാപനങ്ങളില് വേണ്ടി വരുന്ന അടിസ്ഥാന സൗകര്യങ്ങള്ക്കായി മാര്ഗ നിര്ദേശങ്ങള് യുജിസി അവതരിപ്പിച്ചതായി മന്ത്രി പറഞ്ഞു. വിദ്യാര്ത്ഥിനികള്ക്ക് വേണ്ടി പരാതി പരിഹാരസെല്, സുരക്ഷിതമായ അന്തരീക്ഷം ഒരുക്കല്, എന്നിവ സജ്ജീകരിക്കും. ബോധവല്ക്കരണം, സാനിറ്ററി പാഡുകളും മറ്റും സംസ്കരിക്കാന് പരിസ്ഥിതി സൗഹൃദ ഇന്സിനറേറ്ററുകളുടെ ഉപയോഗം പ്രോത്സാപ്പിക്കല്,ആര്ത്തവ ശുചീകരണത്തിനുളള അവബോധം സൃഷ്ടിക്കല് എന്നിങ്ങനെ നിരവധി മാര്ഗ നിര്ദേശങ്ങള് യുജിസി മുന്നോട്ട് വെച്ചിട്ടുണ്ടെന്നും മന്ത്രി പറഞ്ഞു.
ഇന്ത്യയില് ആദ്യമായി ഒരു സര്വകലശാലയില് ആര്ത്തവ അവധി അനുവദിച്ചത് കൊച്ചി ശാസ്ര്ത സാങ്കേതിക സര്വകലശാലയിലാണ്. വിദ്യാര്ത്ഥി യൂണിന്റെ ഇടപെടലിനെ തുടങ്ങിയാണ് പെണ്കുട്ടികള്ക്ക് ഓരോ സെമസ്റ്ററിലും രണ്ട് ശതമാനം അധിക അവധി നല്കാന് തീരുമാനിച്ചത്.
സര്വകാലാശാലകളില് സാധരണ പരീക്ഷയെഴുതണമെങ്കില് വിദ്യാര്ത്ഥികള്ക്ക് 75 ശതമാനം ഹാജര് വേണം. എന്നാല് കുസാറ്റിലെ പെണ്കുട്ടികള്ക്ക് 73 ശതമാനം ഹാജര് മതിയെന്ന സുപ്രധാനമായ തീരുമാനമാണ് സര്വകാശാലയെടുത്തത്. കുസാറ്റ് മാതൃകയില് പിന്നീട് കേരളത്തിലെ മറ്റ് സര്വകാലാശാലകളിലുംഅവധി അനുവദിച്ച് സംസ്ഥാന സര്ക്കാര് ഉത്തരവിറക്കിരുന്നു .
