വായനാട്: ആണ്കടുവയെ കഴുത്തില് കരുക്ക് കുരുങ്ങി ചത്ത നിലയില് കണ്ടെത്തിയ സംഭവത്തില് പോലീസ് ചോദ്യം ചെയ്തയാളെ തൂങ്ങി മരിച്ച നിലയില് കണ്ടെത്തി. അമ്പുകുത്തി പാടിപറമ്പ് നാലുസെന്റ് കോളനിയിലെ ഹരിയാണ് മരണമടഞ്ഞത്. ഒന്നരവയസ്സു പ്രായമുള്ള ആണ്കടുവ ചത്ത നിലയില് കണ്ടെത്തിയ സംഭവത്തില് കടുവയുടെ ജഡം കിടന്ന പറമ്പുടമ കുരുക്കു സ്ഥാപിച്ചവരെ കണ്ടെത്തണമെന്നാവശ്യപ്പെട്ട് കേസ് കൊടുത്തിരുന്നു.
ഇതേ തുടര്ന്നാണ് ചത്ത കടുവയെ ആദ്യം കണ്ടയാള് എന്ന നിലയില് ഹരിയെ വനംവകുപ്പ് ചോദ്യം ചെയ്തത്. എന്നാല് ചോദ്യംചെയ്യലിനുശേഷം ഹരി മാനസീക സംഘര്ഷത്തില് ആയിരുന്നെന്നും വനംവകുപ്പ് തന്നെ കേസില് കുടുക്കുമെന്ന് ഭയപ്പെട്ടിരുന്നതായി കുടുംബം പറയുന്നു. എന്നാല് ഇയാളെ പ്രതി ചേര്ത്തിട്ടില്ലെന്നും കാര്യങ്ങള് ചോദിച്ചറിയുക മാത്രമാണ് ചെയ്തതെന്നാണ് വനംവകുപ്പ പറയുന്നത്.
പോസ്റ്റുമാര്ട്ടം റിപ്പോര്ട്ടില് കഴുത്തില് കുടുക്ക് മുറുകിയാണ് കടുവ ചത്തതെന്ന് കണ്ടെത്തിയിരുന്നു. തുടര്ച്ച് കടുവയെ ചത്ത നിലയില് കണ്ടെത്തിയ സ്ഥലത്തിന്റെ ഉടമ പള്ളിയാലില് മുഹമ്മദിനെതിരെ വനംവകുപ്പ് കേസെടുത്തിരുന്നു. ഇതോടെ തന്റെ പറമ്പില് ആരോ അനധികൃതമായി കയറി ഉണ്ടാക്കിയ കുരുക്കാണ് ഇതെന്നും ഇക്കാര്യത്തില് അന്വേഷണം വേണമെന്നും ആശ്യപ്പെട്ട് മുഹമ്മദ് അമ്പലവയല് പോലീസില് പരാതി നല്കുകയും ചെയ്തു, തുടര്ന്നാണ് കടുവയുടെ ജഡം ആദ്യം കണ്ടവരെക്കുറിച്ച് അന്വേഷണം നടത്തി ഹരിയില് എത്തിയത്.
പൊന്മുടിക്കോട്ട, എടക്കല്, അമ്പുകുത്തി പ്രദേശങ്ങളില് രണ്ടുമാസത്തിലേറെയായി വന്യമൃഗങ്ങളെ ആക്രമിച്ച കടുവകളില് ഒന്നാണ് ചത്തത്. പൊന്മുടിക്കോട്ടയില് രണ്ടുമാസംമുമ്പ് വനംവകുപ്പിന്റെ കൂട്ടിലകപ്പെട്ട കടുവയുടെ കുഞ്ഞാണിതെന്നാണ് നിഗമനം. ഹരിയുടെ മരണത്തില് പ്രതിഷേധിച്ച് ആക്ഷന് കമ്മിറ്റിയുടെ നേതൃത്വത്തില് ഇന്ന് ബത്തേരിയില് ദേശീയപാത ഉപരോധിക്കും.
