സിദ്ധാര്ത്ഥ്- കിയാര താരങ്ങളുടെ വിവാഹം ബോളിവുഡ് ഏറെ കാത്തിരുന്നതാണ്. വിവാഹശേഷം ഇവര് സഹതാരങ്ങള്ക്കും സുഹൃത്തുക്കള്ക്കുമായി സംഘടിപ്പിച്ച വെഡ്ഡിംഗ് റിസപഷന് താര നിബിഡമായിരുന്നു. ചടങ്ങില് സുഹൃത്തും ബ്രഹ്മാസ്ത്ര സംവിധായകനുമായ അയാന് മുഖര്ജിക്കൊപ്പമാണ് ആലിയ എത്തിയത്. വളരെ സന്തോഷവതിയായി സില്വര് ഷിമ്മര് സാരിയില് ഒരു രാജകുമാരിയെപ്പോലെയാണ് ആലിയ തിളങ്ങിയത്.
അവിടെ വച്ച് അമ്മായിയമ്മയായ നീതു കപൂറിനൊപ്പം ചിത്രങ്ങള് പോസ് ചെയ്യുകയും ചെയ്തു ആലിയ. ഇവര് ഒരുമിച്ചുള്ള ചിത്രങ്ങളാണ് ഇപ്പോള് സോഷ്യല് മീഡിയയില് വൈറലായിരിക്കൊണ്ടിരിക്കുന്നത്. സാവൻ ഗാന്ധി ഡിസൈനര് സാരിയില് ആലിയ എലഗന്റ് ലുക്കില് എത്തിയപ്പോള് അബു ജാനി സന്ദീപ് ഖോസ്ല ഡിസൈനര് സ്യൂട്ടിലാണ് നീതു കപൂര് എത്തിയത്. നീതുവിനെ കണ്ടപാടെ ആലിയ സന്തോഷത്തോടെ ഓടിവരുകയും ആലിംഗനം ചെയ്യുകയും ചെയ്തു. ചിത്രങ്ങള് ഇന്സ്റ്റഗ്രാം സ്റ്റോറിയിലൂടെ നീതു കപൂര് പോസ്റ്റ് ചെയ്തിട്ടുമുണ്ട്.
ആലിയ ഭട്ടും സിദ്ധാർത്ഥ് മൽഹോത്രയും 2017-ൽ വേർപിരിയുന്നതിന് മുമ്പ് ഒരു വർഷത്തോളം ഡേറ്റിംഗ് നടത്തിയിരുന്നു. കരൺ ജോഹറിന്റെ 2012-ൽ വരുൺ ധവാൻ നായകനായ സ്റ്റുഡന്റ് ഓഫ് ദ ഇയർ എന്ന ചിത്രത്തിലൂടെയാണ് ആലിയയും സിദ്ധാർത്ഥും സിനിമയിൽ അരങ്ങേറ്റം കുറിച്ചത്. കഴിഞ്ഞ വർഷം ഏപ്രിലിലാണ് ആലിയ ഭട്ട് തന്റെ ബ്രഹ്മാസ്ത്ര സഹനടനായ രൺബീർ കപൂറിനെ വിവാഹം കഴിച്ചത്. ഇവര്ക്ക് റാഹ കപൂര് എന്ന മകളുമുണ്ട്.
