ദില്ലി: തിരുവിതാംക്കൂര് ദേവസ്വം ബോര്ഡിനു കീഴിലെ പല ക്ഷേത്രങ്ങളിലും ഉപയോഗിക്കുന്ന ഭസ്മവും ചന്ദനവും ഗുണനിലവരമില്ലാത്തവയെന്ന് ജസ്റ്റിസ് കെടി ശങ്കരന് സുപ്രീം കോടതിയില് നല്കിയ റിപ്പോര്ട്ടില് പറയുന്നു.
ക്ഷേത്രങ്ങളിലെ മുഴുക്കാപ്പ്, കളഭച്ചാര്ത്ത് തുടങ്ങിയ ചടങ്ങുകള്ക്ക് യഥാര്ത്ത ചന്ദനമല്ല ഉപയോഗിക്കുന്നതെന്നും, മഞ്ഞളും, രാമച്ചവും, ചന്ദനവും പൊടിച്ച് പ്രസാദമായി നല്കുന്ന കാര്യം ബോര്ഡ് ആലോചിക്കണമെന്നും സുപ്രീം കോടതി നിയോഗിച്ച കമ്മീഷന് റിപ്പോര്ട്ടില് വ്യക്തമാക്കുന്നു. ചീഫ് ജസ്റ്റിസ് ഡി.വൈ.ചന്ദ്രചൂഡ് അധ്യക്ഷനായ ബെഞ്ചിനാണ് കമ്മീഷന് റിപ്പേര്ട്ട് സമര്പ്പിച്ചത്.
റിപ്പോര്ട്ട് സുപ്രീംകോടതി ഇന്ന് പരിഗണിക്കും. കൃത്രിമ ചന്ദനവും ഭസ്മവും ഉപയോഗിക്കുന്നത് വിഗ്രഹങ്ങള്ക്ക് കേട്പാടുണ്ടാക്കുന്നുവെന്ന ഭക്തരുടെ ആശങ്കയും റിപ്പോട്ടിലുണ്ട്. യധാര്ഥ ചന്ദനത്തിന് ഉയര്ന്ന വിലയായതിനാലാണ് ഗുണനിലവാരമില്ലാത്ത ചന്ദനം ഉപയോഗിക്കുന്നതെന്നും റിപ്പോര്ട്ടില് പറയുന്നു.
