2024-ലെ അമേരിക്കന് പ്രസിഡന്റ് തെരഞ്ഞെടുപ്പില് മത്സരിക്കുമെന്ന് പ്രഖ്യാപിച്ച് ഇന്ത്യന് വംശജന് വിവേക് രാമസ്വാമി. റിപ്പബ്ലിക്കന് പ്രസിഡന്ഷ്യല് പ്രൈമറിയില് പ്രവേശിക്കുന്ന രണ്ടാമത്തെ ഇന്ത്യന് വംശജനാണ് വിവേക്. പാലക്കാട് സ്വേദശിയാണ്. യുഎസില് സംരംഭകനും എഴുത്തുകാരനും സാമൂഹിക പ്രവര്ത്തകനുമാണ് വിവേക്.
വിവേകിന്റെ മാതാപിതാക്കള് കേരളത്തില് നിന്ന് അമേരിയ്ക്കയിലേക്ക് കുടിയേറുകയായിരുന്നു. ബയോഫാര്മസ്യൂട്ടിക്കല് കമ്പനിയായ റോവന്റ് സയന്സിന്റെ സ്ഥാപകനും സ്ട്രൈവ് അസ്റ്റ് മാനേജ്മെന്റ് സഹസ്ഥാപകനുമാണ് വിവേക് രാമസ്വാമി. അദ്ദേഹം 2015 ലും 2016 ലും ഏറ്റവും വലിയ ബയോടെക് ഐപിഒകള്ക്ക് നേതൃത്വം നല്കിയിരുന്നു.
യേല് യൂണിവേഴ്സിറ്റിയില് നിന്ന് ഡോക്ടര് ഓഫ് ലോ പൂര്ത്തിയാക്കിയ അദ്ദേഹം 2007 ല് ഹാര്വാര്ഡ് യൂണിവേഴ്സിറ്റിയില് നിന്ന് ബിരുദം എടുത്തു. 1985 ഓഗസ്റ്റിലാണ് അദ്ദേഹത്തിന്റെ ജനനം. ഫോര്ബ്സ് റിപ്പോര്ട്ട് അനുസരിച്ച് 2016 ല് 40 വയസ്സിന് താഴെയുള്ള അമേരിക്കയിലെ ഏറ്റവും സമ്പന്നരായ സംരംഭകരില് ഒരാളായ രാമസ്വാമിയുടെ ആസ്തി 600 മില്യണ് ഡോളറായിരുന്നു.
