ന്യൂഡല്ഹി: ഇന്ത്യന് വ്യോമ സേനയില് ചരിത്രം കുറിച്ച് ഷാലിസ ധാമി. സേനയിലെ ആക്രമണ യൂണിറ്റിന് നേതൃത്വം നല്കുന്ന ആദ്യ വനിതയാണ് ഷാലിസ. രാജ്യത്തിന്റെ പാക്കിസ്ഥാന് അതിര്ത്തിയോട് ചേര്ന്നുള്ള പോരാട്ട യൂണിറ്റിന്റെ കമാന്ഡിങ് ഓഫീസറായിട്ടാണ് ഷാലിസ നിയമിക്കപ്പെട്ടത്.
2003 ലാണ് പഞ്ചാബ് ലുധിയാന സ്വദേശിയായ ഷാലിസ വ്യോമസേനയില് എത്തുന്നത്. ഇലക്ട്രാണിക്സ് ആന്ഡ് കമ്മ്യൂണിക്കേഷനില്സില് എന്ജിനീയറിങ് ബിരുദം നേടിയ ശേഷമാണ് ഈ രംഗത്തേക്ക് പ്രവേശിക്കുന്നത്. ആദ്യം ഹെലികോപ്റ്റര് പൈലറ്റായിട്ടായിരുന്നു നിയമനം. തുടര്ന്ന് 2005ല് ഫ്ളൈറ്റ് ലെഫ്റ്റനന്റും 2009ല് സ്ക്വാഡ്രണ് ലീഡറുമായി.
സേനയിലെ ആദ്യ വനിതാ ഫ്യൈിങ് ഇന്സ്ട്രക്ടറും ഷാലിസയാണ്. ഹെലികോപ്റ്റര് പറത്തുന്നതില് 2800 മണിക്കൂറിന്റെ പരിചയസമ്പന്നതയും ഉണ്ട്. പടിഞ്ഞാറന് മേഖയലിലെ ഹെലികോപ്റ്റര് യൂണിറ്റിന്റെ ഫ്ളൈറ്റ് കമാന്ഡറായും അവര് പ്രവര്ത്തിച്ചിട്ടുണ്ട്.
