ചെന്നൈ; ബലാത്സംഗം ചെയ്യാന് ശ്രമിച്ച പരിശീലകനില് നിന്ന് രക്ഷപ്പെടാന് വിദ്യാര്ഥിനി ഒന്നാം നിലയില് നിന്ന് ചാടി. ഇരുപതുകാരിയായ വിദ്യാര്ഥിനിക്കുനേരെ ആക്രമണം ഉണ്ടായത് തിങ്കാളാഴ്ച്ചയായിരുന്നു. സ്ക്വാഷ് പരിശീലകനായിരുന്ന മുരുകേശനെ പൊലീസ് കസ്റ്റഡിയിലെടുത്തു.
മുരുകേശന് തമിഴ്നാട് കായിക വികസന അതോറിറ്റിയുടെ കീഴില്വരുന്ന കാഞ്ചീപുരം ജില്ലാ സ്പോര്ട്സ് സ്റ്റേഡിയത്തില് പരിശീലകനായിരുന്നു. തന്റെ സര്ട്ടിഫിക്കറ്റ് ലഭിക്കുന്നതിനായിയാണ് പരിശീലനം പൂര്ത്തിയാക്കിയ വിദ്യാര്ഥിനി അക്കാദമിയില് എത്തിയത്. എന്നാല് സര്ട്ടിഫിക്കറ്റുകള് തന്റെ വീട്ടിലാണെന്നും ലഭിക്കുവാന് തന്റെ വീട്ടിലേക്കെത്താനും ഇയാള് ആവശ്യപ്പെടുകയായിരുന്നു.
മുരുകേശന്റെ നിര്ദേശപ്രകാരം വീട്ടിലെത്തിയ വിദ്യാര്ഥിനിയെ ഇയാള് ബലാത്സംഗം ചെയ്യാന് ശ്രമിക്കുകയായിരുന്നു. വിദ്യാര്ഥിനി ഒഴിഞ്ഞ് മാറാനായി ശ്രമിക്കുകയും തുടര്ന്ന് ഇയാളില് നിന്ന് രക്ഷ നേടുന്നതിനായി ഒന്നാം നിലയില് നിന്നും വിദ്യാര്ഥിനി എടുത്തു ചാടുകയായിരുന്നു.
വിദ്യാര്ത്ഥി അയല്കാരനോട് സംഭവം വെളിപ്പെടുത്തിയിരുന്നു. തുടര്ന്ന് അവരുടെ സഹായത്തോടെ പൊലീസില് പരാതിപെടുകയും ചെയ്തു. സമാനമായ രീതിയില് ഇയാള് മറ്റ് വിദ്യാര്ഥികളോടും മോശമായി പെരുമാറിയിട്ടുണ്ടോയെന്നും പൊലീസ് പരിശോധിക്കുന്നു.
