തെന്നിന്ത്യയിലെ ഒട്ടുമിക്ക സൂപ്പര്താരങ്ങളുടെയും നായികയായി അരങ്ങുവാണിരുന്ന താരമാണ് ഖുശ്ബു. തമിഴ് സിനിമാ പ്രേമികള്ക്ക് മാത്രമല്ല, മലയാളികള്ക്കും ഏറെ ഇഷ്ടമുള്ള താരമാണ് ഖുശ്ബു. മമ്മൂട്ടി, മോഹന്ലാല്, സുരേഷ് ഗോപി, ജയറാം, ദിലീപ് തുടങ്ങി മലയാളത്തിലെ പ്രമുഖ താരങ്ങള്ക്കെല്ലാമൊപ്പമെല്ലാം ഖുശ്ബു ഇതിനകം അഭിനയിച്ചുകഴിഞ്ഞു. സിനിമയില് പണ്ടത്തെപ്പോലെ സജീവമല്ലാത്ത താരം രാഷ്ട്രീയത്തില് സജീവമാണ്. കോണ്ഗ്രസില്നിന്ന് രാജിവച്ച് ബിജെപിയില് ചേര്ന്ന ഖുശ്ബു അടുത്തിടെയാണ് ദേശീയ വനിത കമ്മീഷന് അംഗമായി നിയമിതയായത്. സോഷ്യല് മീഡിയയിലും സജീവമാണ് താരം. ഇപ്പോഴിതാ വിവാഹവാര്ഷിക ദിനത്തില് ഭര്ത്താവും സംവിധായകനുമായ സുന്ദറിന് ആശംസകള് നേര്ന്നുകൊണ്ട് ഖുശ്ബു പങ്കുവച്ച കുറിപ്പാണ് സോഷ്യല് മീഡിയയിലൂടെ ശ്രദ്ധിക്കപ്പെടുന്നത്. ‘‘ഒപ്പമുള്ള യാത്ര തുടരുന്നു! ഞങ്ങളുടെ ജീവിതം നാലു ചിത്രങ്ങളില്. അന്നുമുതല് ഇന്നുവരെ ഒന്നും മാറിയിട്ടില്ല. എപ്പോഴും എന്നോടൊപ്പം ഉണ്ടായിരിക്കുന്നതിന് നന്ദി. സ്നേഹിക്കുക, വഴക്കിടുക, ശകാരിക്കുക, ശാസിക്കുക, എല്ലാറ്റിനുമുപരിയായി എന്നെ മനസ്സിലാക്കുക, എന്നെപ്പോലെ എന്നെ സ്നേഹിക്കുക. ഞാന് എന്താണോ അതിനെ നിങ്ങള് അംഗീകരിക്കുന്നു. നിങ്ങളെ വിവാഹം ചെയ്തത് ഒരു അനുഗ്രഹമാണ്. 23 വര്ഷങ്ങള്, പ്രിയപ്പെട്ട ഭര്ത്താവിന് ആശംസകള്...❤️❤️❤️’’ എന്നാണ് ഖുശ്ബു കുറിച്ചത്. ആശംസകള്ക്കൊപ്പം പഴയകാലചിത്രങ്ങളും ഖുശ്ബു പങ്കിട്ടിട്ടുണ്ട്.
വിവാഹത്തിനു ശേഷം ഹിന്ദു മതത്തിലേക്ക് മാറുകയായിരുന്നു ഖുശ്ബു. അവന്ദിക, അനന്ദിത എന്നീ രണ്ട് മക്കളുണ്ട്. തെന്നിന്ത്യയിലെ പ്രധാന നടന്മാരായ രജനികാന്ത്, കമലഹാസന്, സത്യരാജ്, പ്രഭു,സുരേഷ്ഗോപി,മോഹന്ലാല്,മമ്മൂട്ടി,ജയറാം എന്നിവര്ക്കൊപ്പമെല്ലാം ഖുശ്ബു അഭിനയിച്ചിട്ടുണ്ട്. തമിഴ് ചിത്രങ്ങള് കൂടാതെ ധാരാളം കന്നട, തെലുങ്ക് , മലയാളം എന്നീ ഭാഷാ ചിത്രങ്ങളിലും അഭിനയിച്ചിട്ടുണ്ട്. തിരുച്ചിറപ്പള്ളിയില് ഖുശ്ബുവിന്റെ ആരാധകര് അവര്ക്ക് വേണ്ടി ഒരു അമ്ബലം പണികഴിപ്പിച്ചിട്ടുണ്ട്. തന്റെ പേരില് തമിഴ് നാട്ടില് ഖുശ്ബു ഇഡ്ഡലി എന്ന ഒരു ഇഡ്ഡലി തന്നെയുണ്ട്. അത് പോലെ ഖുശ്ബു എന്ന പേരില് സാരി ബ്രാന്ഡും നില നില്ക്കുന്നു. കുട്ടിക്കാലത്ത് പിതാവില് നിന്നും നേരിടേണ്ടി വന്ന ലൈംഗിക പീഡനത്തെ കുറിച്ച് ഖുശ്ബു തുറന്നുപറഞ്ഞിരുന്നു. എട്ടു വയസ്സു മുതല് 15 വയസ്സുവരെ അച്ഛന് തന്നെ ലൈംഗികമായി പീഡിപ്പിച്ചിരുന്നുവെന്നാണ് ഖുശ്ബു വെളിപ്പെടുത്തിയത്.
