ബെംഗളൂരു ; കന്നട അറിയാത്തതിനാല് ബെംഗളൂരു വിമാനത്താവളത്തില്വെച്ച് അപമാനിക്കപ്പെട്ടെന്ന ആരോപണവുമായി നടന് സല്മാന് യൂസഫ് ഖാന്. ബെംഗളൂരുവില് ജനിച്ചിട്ടും കന്നഡ അറിയില്ലേ എന്ന് ചോദിച്ച് ഇമിഗ്രേഷന് ഓഫീസര് അപമാനിച്ചെന്നും കന്നഡ അറിയില്ലെങ്കില് തന്നെ സംശയിക്കേണ്ടിവരുമെന്ന് ഉദ്യോഗസ്ഥന് പറഞ്ഞതായും താരം പറഞ്ഞു. നര്ത്തകനും നടനുമായ സല്മാന് ഇക്കാര്യങ്ങള് ആരോപിച്ചത് ഇന്സ്റ്റാഗ്രാമിലൂടെയായിരുന്നു.
കര്ണാടകയിലെത്തുന്നവര് കന്നഡ സംസാരിക്കണമെന്ന വാദം ശക്തമായിരിക്കേയാണ് സല്മാന് യൂസഫിന്റെ സോഷ്യല്മീഡിയാ പോസ്റ്റ് എത്തിയത്.സല്മാന് ദുബായിലേക്ക് പോകാനായി ബെംഗളൂരു വിമാനത്താവളത്തിലെത്തിയതാരുന്നു. കന്നഡയില് സംസാരിച്ച ഇമിഗ്രേഷന് ഉദ്യോഗസ്ഥനോട് മുറി കന്നഡയിലാണ് സംസാരിച്ചതെന്നും ഇതിന് കന്നഡയില്ത്തന്നെയാണ് ഉദ്യോഗസ്ഥന് മറുപടിപറഞ്ഞതെന്നും സല്മാന് എഴുതി.
ബെംഗളൂരുവിലാണ് ജനിച്ചതെങ്കിലും കന്നഡ സംസാരിക്കാനറിയാവുന്ന ഒരാളായിട്ടല്ല പിറന്നതെന്ന് ഞാന് മറുപടി നല്കി. സൗദിയിലാണ് ഞാന് വളര്ന്നതും പഠിച്ചതും. ഭാഷ എന്ന രീതിയില് കന്നട പഠിച്ചിട്ടില്ല. കാരണം സ്കൂള് കാലഘട്ടത്തില് ഒരിക്കലും ഞാന് ഇന്ത്യയില് ചെലവഴിച്ചിട്ടില്ല. കന്നഡയില് സുഹൃത്തുക്കള് സംസാരിക്കുന്നത് കേട്ടുള്ള പരിചയം മാത്രമേ ഉള്ളൂ. ഇതുപറഞ്ഞപ്പോള് അങ്ങനെയെങ്കില് എന്നെ സംശയിക്കേണ്ടിവരുമെന്നാണ് ഉദ്യോഗസ്ഥന് പറഞ്ഞത്. രാഷ്ട്രഭാഷ ഹിന്ദിയാണെന്നും മാതൃഭാഷ ഹിന്ദിയാണെന്നും കന്നഡ അറിഞ്ഞിരിക്കേണ്ട ആവശ്യകത എന്താണെന്ന് ഞാന് ചോദിച്ചു. എന്നെ സംശയിക്കുന്നതെന്തിനെന്നും ചോദിച്ചപ്പോള് ഉദ്യോഗസ്ഥന് അല്പം അടങ്ങി. പക്ഷേ തലതാഴ്ത്തി എന്തൊക്കെയോ പിറുപിറുക്കുന്നുണ്ടായിരുന്നു.' സല്മാന് പറഞ്ഞു.
സല്മാന് ആരോപിക്കുന്നത് ഈ സംഭവം വിമാനത്താവള അധികൃതരുടെയടുത്ത് പരാതിപ്പെട്ടപ്പോള് സഹായിച്ചത്. ബെംഗളൂരില് ജനിച്ചയാളെന്ന നിലയില് അഭിമാനിക്കുന്നയാളാണ് താനെന്നും വിമാനത്താവളത്തില് നേരിട്ട അനുഭവം ഉള്ക്കൊള്ളാനാവുന്നില്ലെന്നും അദ്ദേഹം പറഞ്ഞു. ജനങ്ങളെ പ്രാദേശികഭാഷകള് പഠിക്കാന് പ്രോത്സഹിപ്പിക്കണം. ഒപ്പം തന്നെ അദ്ദേഹം പറഞ്ഞത്ഭാഷ അറിയാത്തതിന്റെ പേരില് നിന്ദിക്കരുതെന്നാണ്.
