ലോകമെങ്ങും ആരാധകരുള്ള ചിത്രകാരനാണ് ബാന്സ്കി. തന്റെ ചുമര് ചിത്രങ്ങളിലൂടെ സൈനികവത്ക്കരണത്തിനെതിരെയും അധികാരത്തിനെതിരെയും ശക്തമായി പ്രതികരിക്കുന്ന ബാന്സ്കിയുടെ ചിത്രങ്ങള്ക്ക് ലോകമെങ്ങും വലിയ ആരാധകരാണുള്ളത്. പൊതു നിരത്തുകളിലെ ചുമരുകളാണ് അദ്ദേഹത്തിന്റെ ക്യാന്വാസുകള് മിക്കതും. ഇത്തരത്തില് ഇദ്ദേഹം വരച്ച 500 വര്ഷം പഴക്കമുള്ള ഒരു കെട്ടിടം കഴിഞ്ഞ ദിവസം പൊളിക്കുകയുണ്ടായി. ഇതിന്റെ ചിത്രങ്ങള് സാമൂഹികമാധ്യമങ്ങളില് വൈറലായി.
ആക്ഷേപഹാസ്യ തെരുവ് ഗ്രാഫിറ്റിയിലൂടെ സാമൂഹിക വ്യാഖ്യാനം നടത്തുന്ന ബാന്സ്കി ഇന്ന് പ്രതിരോധ ചിത്രകലയിലെ പ്രധാനിയാണ്. മുന്കൂട്ടി വരയ്ക്കപ്പെടുന്നവയല്ല ബാന്സ്കിയുടെ ഗ്രാഫിറ്റികള് . മറിച്ച് പ്രഭാതത്തില് തെരുവില് എവിടെയെങ്കിലും അത് പ്രത്യക്ഷപ്പെടുകയാണ് പതിവ്. ഇത്തരത്തില് അദ്ദേഹത്തിന്റെ പല ചിത്രങ്ങളും തെരുവില് നിന്നും വീണ്ടെടുത്ത് സംരക്ഷിച്ചിട്ടുണ്ട്. എന്നാല് ആരും തന്നെ ബാന്സ്കി എന്ന ചിത്രകാരനെ നേരിട്ട് കണ്ടതായി രേഖപ്പെടുത്തിയിട്ടില്ല. അദ്ദേഹത്തിന്റെ അഭിമുഖങ്ങളും ലഭ്യമല്ല. ചിത്രകാരനെ കുറിച്ചുള്ള അജ്ഞത ഇദ്ദേഹത്തിന്റെ ചിത്രങ്ങളുടെ വില ഇരട്ടിയാക്കുന്നു.
ഇദ്ദേഹത്തിന്റെ ചിത്രം 2021ല് രേഖപ്പെടുത്തിയ ഒരു കടയുടെ മൂല്യം ഒറ്റയടിക്ക് 2 കോടി രൂപയായിട്ടാണ് ഉയര്ന്നത്. എന്നാല്, മറ്റ് ചില സ്ഥലങ്ങളില് ബാന്സ്കിയുടെ ചിത്രം പ്രത്യക്ഷപ്പെട്ടതിന് പിന്നാലെ നശിപ്പിക്കപ്പെട്ടതായും റിപ്പോര്ട്ടുകളുണ്ട്. ഇപ്പോള് നശിപ്പിക്കപ്പെട്ടത് 2021 ഓഗസ്റ്റ് മുതല് ലോസ്ഫോക്കില് പ്രത്യക്ഷപ്പെട്ട കലാസൃഷ്ടിക്കളില് ഒന്നാണെന്നാണ് വിലയിരുത്തല്.
500 വര്ഷം പഴക്കമുള്ള ഫാം ഹൗസ് പൊളിച്ചതിനു ശേഷമാണ് കെട്ടിടത്തിലുണ്ടായിരുന്ന ചിത്രം ബാന്സ്കിയുടേതാണെന്ന് തിരിച്ചറിഞ്ഞത്. ചിത്രം ബാന്സ്കിയുടേതാണെന്ന് തിരിച്ചറിഞ്ഞപ്പോള് തങ്ങള്ക്ക് അസ്വസ്ഥത തോന്നിയെന്നും തങ്ങള് തളര്ന്ന് പോയെന്നും കെട്ടിടം പൊളിച്ച തൊഴിലാളികള് പറഞ്ഞതായി ഡെയ്ലി മെയില് റിപ്പോര്ട്ട് ചെയ്തു.
കെട്ടിടങ്ങള് നിര്മ്മിക്കുന്നതിന്റെ ഭാഗമായാണ് 500 വര്ഷം പഴക്കമുള്ള കെട്ടിടം പൊളിച്ചതെന്നാണ് ഫാം ഹൗസ് ഉടമ പറഞ്ഞത്. എന്നാല് ചിത്രം ബാന്സ്കിയുടെതാണെന്ന് അറിയില്ലായിരുന്നെന്നും അദ്ദേഹം കൂട്ടിച്ചേര്ത്തു.
