മലപ്പുറം: നാട്ടുകാര് ഓടിച്ചിട്ടുപിടിച്ചതിന് പിന്നാലെ 10,000 രൂപ എസ്ഐയ്ക്ക് ഓഫര് ചെയ്ത് മാലമോഷണക്കേസ് പ്രതി. തിരൂര് റെയില്വേ സ്റ്റേഷനിലാണ് സംഭവം. മാലപൊട്ടിച്ചോടിയ തമിഴ്നാട് സ്വദേശിയായ തമിഴരശന് (23) എന്ന യുവാവിനെയാണ് പൊലീസ് പിടികൂടിയത്.
കഴിഞ്ഞ ദിവസം ഉച്ചക്ക് 12 മണിക്ക് പ്ലാറ്റ്ഫോമില് ട്രെയിന് കാത്തുനില്ക്കുകയായിരുന്ന വിദ്യാര്ഥിനിയുടെ കഴുത്തില് നിന്നുമാണ് ഇയാള് മാലപൊട്ടിച്ചുകൊണ്ട് ഓടിയത്. തിരുവനന്തപുരം-കോഴിക്കോട് ജനശതാബ്ധി എക്സ്പ്രസ്സ് തിരൂര് റെയില്വേ സ്റ്റേഷനില് എത്തിയ നേരത്താണ് സംഭവം. പെണ്കുട്ടി നിലവിളിച്ചതോടെ പൊലീസും യാത്രക്കാരും ചേര്ന്ന് ഇയാളെ ഒടിച്ച് പിടികൂടി.
പിടികൂടിയതിന് തൊട്ടുപിന്നാലെയാണ് തമിഴരശന് തിരൂര് ആര് പി എഫ് ഇന്സ്പെക്ടര് സുനില്കുമാറിന് പണം വാഗ്ദാനം ചെയ്തത്. തന്നെ വെറുതേ വിട്ടാല് 10,000 രൂപ നല്കാമെന്നും റെഡിയാണെങ്കില് ഇവിടെ കൊണ്ടു വേണമെങ്കിലും പണം തരാമെന്നും പറഞ്ഞു. കൈയ്യോടെ പിടിക്കപ്പെട്ടിട്ടും യാതൊരു കൂസലും ഇല്ലാതെ വില പറഞ്ഞു രക്ഷപ്പെടാന് ശ്രമിച്ച പ്രതി പോലീസുകാരെയും ഞെട്ടിച്ചുകളഞ്ഞു.
