മലപ്പുറം: പരീക്ഷയില് മെസ്സിയുടെ ജീവചരിത്രം എഴുതാന് പറഞ്ഞപ്പോള് താന് എഴുതില്ലെന്നും താന് ഒരു നെയ്മര് ഫാനാണെന്നും ഉത്തരം എഴുതി വിദ്യാര്ത്ഥി. നിലമ്പൂര് തണ്ണിക്കാട് എ യു പി സ്കൂളിലെ നാലാം ക്ലാസ് വിദ്യാര്ത്ഥിയായ ഷാനിദ് കെ ആണ് ഇത്തരം ഒരു ഉത്തരം എഴുതി വച്ചത്. എന്നാല് നിമിഷ നേരങ്ങള്ക്കുള്ളില് തന്നെ പരീക്ഷാ പേപ്പര് സമൂഹ മാധ്യമങ്ങളിലൂടെ വൈറലാകുകയും ചെയ്തു.
കുട്ടികളുടെ അഭിരുചിക്കനുസരിച്ചുള്ള ചോദ്യങ്ങളായിരുന്നു പരീക്ഷയ്ക്ക് നല്കിയത്. നാലാം ക്ലാസുകാരനായ ഷാനിദ് താന് നെയ്മര് ഫാനാണെന്നും അതിനാല് മെസ്സിയെക്കുറിച്ച് എഴുതാന് ആവില്ലെന്നും പരീക്ഷപേപ്പറില് എഴുതി വെക്കുകയായിരുന്നു. ഷാനിദിനെ പോലെ തന്നെ മറ്റൊരു കുട്ടിയായ ഫാത്തിമയും രസകരമായ മറുപടിയാണ് നല്കിയിട്ടുള്ളത്. മെസ്സിയുടെ ജീവചരിത്രത്തിന് ഹിന്റുകള് നല്കിയ ചോദ്യത്തിന് മെസ്സിയെക്കുറിച്ച് കൃത്യമായി എഴുതിയിട്ടുണ്ട്. എന്നാല് ഉത്തരത്തിന്റെ അവസാന ഭാഗത്ത് താനൊരു നെയ്മര് ഫാനാണെന്നും മെസ്സി പോരെന്നും ഫാത്തിമ്മയും കുറിച്ചിട്ടുണ്ട്. ഇരുവരുടേയും പരീക്ഷാ പേപ്പറുകള് സാമൂഹ്യമാധ്യമങ്ങളില് പ്രത്യക്ഷപ്പെട്ടതോടെ നിരവധി പേരാണ് ഷെയര് ചെയ്തത്.
രാജേഷ് സി വള്ളിക്കാട് എന്ന അധ്യാപകനാണ് ഫേസ്ബുക്കില് കുറിപ്പുകള് പങ്കുവച്ചത്. സംഭവം വൈറലായതോടെ രസകരമായ നിരവധി കമന്റുകളാണ് പോസ്റ്റിന് താഴെ വന്നെത്തുന്നത്. എന്നാല് കുട്ടികളിലെ ഇത്തരം മാനോഭാവം പ്രോത്സാഹിപ്പിക്കരുതെന്നാണ് മറ്റു ചിലരുടെ അഭിപ്രായം.
