അക്രമികള് 36 കാരിയായ യുവതിയെ ജീവനോടെ ശവക്കല്ലറയിലടച്ച സ്ത്രീയ്ക്ക് രക്ഷകരായി മാറി പോലീസുകാര്. മാര്ച്ച് 28-ന് വിസ്കോണ്ടെ ഡോ റിയോ ബ്രാങ്കോയില് വച്ചാണ് 36-കാരിയായ യുവതിയെ പൊലീസെത്തി രക്ഷിച്ചത്. സഹായത്തിന് വേണ്ടിയുള്ള യുവതിയുടെ കരച്ചില് കേട്ടാണ് ഇവരെ രക്ഷപ്പെടുത്താന് സാധിച്ചത്.
ഇഷ്ടികയും സിമന്റും ഉപയോഗിച്ച് പുതുതായി നിര്മിച്ച ഒരു ശവക്കല്ലറ സെമിത്തേരിയില് കുഴികുത്തുന്നവര് കണ്ടത്. പക്ഷേ ശവക്കല്ലറയ്ക്ക് സമീപമായി രക്തക്കറ കിടക്കുന്നതില് സംശയം തോന്നിയ ഇവര് പൊലീസിനെ വിവരം അറിയിച്ചു. വിവരം അറിഞ്ഞെത്തിയ പൊലീസ് സംഭവ സ്ഥലത്തെത്തിയപ്പോള് ശവക്കല്ലറയ്ക്കകത്തു നിന്നു ഒരു സ്ത്രീയുടെ സഹായത്തിന് വേണ്ടിയുള്ള നിലവിളി കേള്ക്കാമായിരുന്നു. പിന്നാലെ പൊലീസ് ശവക്കല്ലറ തുറക്കുകയും ഇവരെ പുറത്തെടുക്കുകയും ചെയ്തു
സംഭവത്തെ കുറിച്ച് യുവതിയോട് ചോദിച്ചപ്പോള് മാസ്ക് വച്ച രണ്ടുപേര് തന്നെ സെമിത്തേരിയിലേക്ക് വലിച്ചിഴച്ചു. അവിടെ വച്ച് അവര് തന്നെ അക്രമിച്ചിരുന്നെന്നും, പിന്നാലെ തന്നെ ശവക്കല്ലറയില് വച്ച് അടയ്ക്കുകയായിരുന്നു എന്നാണ് പോലീസിനോട് പറഞ്ഞത്. എന്നാല് യുവതി മയക്കു മരുന്ന് ഉപയോഗിക്കുന്ന ആളാണ്. ഇവര് പറഞ്ഞ രണ്ട് പേരുമായി മയക്കു മരുന്നിന്റെ പേരില് തര്ക്കം ഉണ്ടാകാനുള്ള സാധ്യത ഉണ്ടായേക്കാമെന്നാണ് പോലീസ് പറഞ്ഞത്. പോലീസ് പ്രതികളെ തിരിച്ചറിഞ്ഞിട്ടുണ്ട് എങ്കിലും ഇതുവരെയും അറസ്റ്റ് ചെയ്യാന് സാധിച്ചിട്ടില്ല എന്നും റിപ്പോര്ട്ടുകള് പറയുന്നു.
