വ്യത്യസ്തമായ കഥാപാത്രങ്ങള് ചെയ്ത് മലയാള മനസ്സിലിടം നേടിയ അഭിനേത്രിയാണ് ബിന്ദുപണിക്കര്. ഒരു റോളിലേക്ക് മാത്രം ഒതുങ്ങി പോകാതെ ഹാസ്യ വേഷവും സീരിയസ് റോളുകളും ഒരുപോലെ അനായാസം കൈകാര്യം ചെയ്ത് അഭിനയരംഗത്ത് ശോഭിച്ചിട്ടുണ്ട് ബിന്ദു പണിക്കര്. അഭിനയരംഗത്തേക്ക് താരങ്ങളുടെ മക്കള് കടന്നു വരുന്നത് പലപ്പോഴും പതിവു കാര്യമാണ്. അങ്ങനെ പ്രേക്ഷകര് ഉറ്റുനോക്കുന്ന ഒരാളാണ് ബിന്ദുപണിക്കരുടെ ഏകമകള് കല്യാണി ബി നായർ. അഭിനയ രംഗത്തേക്ക് താരം എപ്പോൾ കടന്നു വരും എന്ന ചോദ്യം പലപ്പോഴും കല്യാണിയോട് ആരാധകര് ചോദിക്കാറുണ്ട്.
സിനിമാരംഗത്തേക്ക് ഇതുവരെ ചുവടു വച്ചിട്ടില്ലെങ്കിലും സോഷ്യൽ മീഡിയ സെലിബ്രിറ്റിയാണ് കല്യാണി. സോഷ്യൽ മീഡിയ ഇൻഫ്ലുവൻസറായ കല്യാണി ഒരു ശ്രദ്ധേയ മോഡലും നർത്തകിയും കൂടിയാണ്. മികച്ച ഒരു ഡാൻസർ കൂടിയായ കല്യാണി സോഷ്യല് മീഡിയയില് മിക്കപ്പോഴും പോസ്റ്റ് ചെയ്യുന്നത് ഡാൻസ് വീഡിയോസാണ്. ഇപ്പോഴിതാ ലണ്ടനില് ഉപരിപഠനത്തിന് പോയിരിക്കുന്ന കല്യാണിയുടെ ഡാന്സിംഗ് വീഡിയോ ട്രെന്ഡിംഗാകുകയാണ്. മിനി സ്കേർട്ട് ധരിച്ച് സ്റ്റൈലിഷ് താരം ഇപ്പോൾ സോഷ്യൽ മീഡിയയിൽ ട്രെൻഡിങ് ആയി മാറിയിരിക്കുന്ന ഗാനത്തിനാണ് ചുവടുവയ്ക്കുന്നത്. ‘ദയവുചെയ്ത് ഇതൊരു ട്രെൻഡ് ആയി എടുക്കരുത്..’ എന്ന് വീഡിയോയ്ക്കൊപ്പം കല്യാണി കുറിച്ചിട്ടുണ്ട്.
അച്ഛനമ്മമാർക്ക് ഒപ്പം വീഡിയോകളിൽ പ്രത്യക്ഷപ്പെടുകയും പിന്നീട് പ്രേക്ഷക പ്രിയങ്കരിയായി മാറുകയും ചെയ്യുകയായിരുന്നു കല്യാണി. ഡബ്സ്മാഷ് ടിക് ടോക് വീഡിയോകളിലൂടെ ആയിരുന്നു തുടക്കം കുറിച്ചിരുന്നത്. അച്ഛൻ സായികുമാറും അമ്മ ബിന്ദു പണിക്കരും പ്രേക്ഷകർക്ക് സുപരിചിതരായ താരങ്ങൾ ആയതുകൊണ്ട് തന്നെ കല്യാണിക്കും മികച്ച സ്വീകാര്യത ഈ വീഡിയോകളിൽ നിന്നെല്ലാം ലഭിച്ചു. മോഡൽ ആയതുകൊണ്ട് ചില സ്റ്റൈലിഷ് ഫോട്ടോഷൂട്ടുമായും താരം പ്രത്യക്ഷപ്പെട്ടിട്ടുണ്ട്. കല്യാണിയുടെ പോസ്റ്റുകൾക്കെല്ലാം വൻ സ്വീകാര്യത ലഭിക്കാറുണ്ട്.
