സ്വര്ഗത്തിലെ കനി അഥവാ ഗാഗ് ഫ്രൂട്ട് ഹരിപ്പാടിലും. വിയറ്റ്നാം, തായ്ലാന്റ്, ഓസ്ട്രേലിയ, എന്നിവടങ്ങളില് മാത്രം തഴച്ചുവളരുന്ന ഗാഗ് ഫ്രൂട്ട് ഇപ്പോള് ഹരിപ്പാട് തൃക്കുന്നപ്പുഴ, പള്ളിപാട്ട് നെടുംപറമ്പില് വീട്ടില് മുഹമ്മദ് റാഫിയുടെ മട്ടുപ്പാവിനു മേല് പടര്ന്നു നില്ക്കുന്നു. ഓരു വെള്ളമൊഴുകുന്ന തീരദേശത്തെ പറമ്പില് വളര്ത്തിയെടുക്കുക എന്നത് വളരെ പ്രയാസമേറിയ കാര്യമാണ്. എന്നാല് മുഹമ്മദ് റാഫിയുടെ അഹോരാത്ര പരിശ്രമത്തിനു മുന്പില് ഗാഗ് ഫ്രൂട്ടിനു അടിയറവു പറയേണ്ടി വന്നു. പറുദീസയിലെ കനിയെന്നും ഇത് അറിയപ്പെടുന്നു.
മുതിര്ന്ന കോണ്ഗ്രസ് നേതാവ് രമേശ് ചെന്നിത്തല മുഹമ്മദ് റാഫിയുടെ ഗാഗ് ഫ്രൂട്ട് കൃഷിയിടം സന്ദര്ശിച്ചു. 'വേണമെങ്കില് ചക്ക വേരിലും കായ്ക്കും' എന്നു പറഞ്ഞതു പോലെയാണ് മുഹമ്മദ് റാഫിയുടെ ഗാഗ് ഫ്രൂട്ട് കൃഷിയെന്ന് രമേശ് ചെന്നിത്തല അഭിപ്രായപ്പെട്ടു.
പോസ്റ്റിന്റെ പൂര്ണ രൂപം
വേണമെങ്കില് ചക്ക വേരിലും കായ്ക്കുമെന്നു പറഞ്ഞതു പോലെയാണ് ഹരിപ്പാട് തൃക്കുന്നപ്പുഴ പള്ളി പാട്ട് നെടുംപറമ്പില് വീട്ടില് മുഹമ്മദ് റാഫിയുടെ ഗാഗ് ഫ്രൂട്ട് കൃഷി. വിയറ്റ്നാം ഫലമായ ഗാഗ് ഫ്രൂട്ട് തന്റെ വീടിന്റെ മട്ടുപ്പാവില് പടര്ന്നു പന്തലിച്ചു വിവിധ വര്ണ്ണങ്ങളില് നിറഞ്ഞു നില്ക്കുകയാണ്. തികച്ചും വ്യത്യസ്തമായ ഗാഗ് ഫ്രൂട്ട് ഓരു വെള്ളമൊഴുകുന്ന തീരദേശത്തെ പറമ്പില് വളര്ത്തിയെടുക്കുക എന്നത് പ്രയാസകരമായ കാര്യമാണ് എന്നാല് റാഫിയുടെ നിശ്ചയദാര്ഢ്യവും കൃഷിയോടുള്ള വിവിധ കാഴ്ചപ്പാടുകളും കൃഷി വകുപ്പ് ഉദ്യോഗസ്ഥരുടെ ഉപദേശങ്ങളും കൂടി ചേര്ന്നപ്പോള് പല തവണ പരാജയപ്പെട്ട ദൗത്യം വിജയം കണ്ടു. മണ്ണില് കിളിര്ത്ത ചെടിയെ മട്ടുപ്പാവിലേക്ക് പടര്ത്തിയതോടെ പ്രതീക്ഷകള്ക്കപ്പുറം വിളവിനൊരുങ്ങി നില്ക്കുകയാണ് ഗാഗ് ഫ്രൂട്ട്. ആത്മ സമര്പ്പണവും കഠിനാദ്ധ്വാനവും വീഴ്ചകളില് നിന്നും പാഠങ്ങള് ഉള്കൊള്ളാന് മാനസികമായ കരുത്തുമ്മാര്ജ്ജിച്ചാല് കര്മ്മമണ്ഡലത്തില് ജയിച്ചു കയറാനാവുമെന്ന് മുഹമ്മദ് റാഫി തെളിയിച്ചിരിക്കുകയാണ്. മുഹമ്മദ് റാഫിയിലെ മാതൃകാ കൃഷിക്കാരന് എന്റെ അഭിനന്ദനങ്ങള്...
[img]
