മുംബൈ: മഹാരാഷ്ട്രയിലെ രത്നഗിരിയില് സിവില് ആശുപത്രിയില് ചികിത്സയ്ക്ക് എത്തിയപ്പോഴാണ് പ്രതി യു.പി.സ്വദേശിയായ ഷഹറൂഖ് സെയ്ഫി
പിടിയിലായത്. ട്രെയിനില് തീ വെയ്പ് നടത്തിയതിന് പിന്നാലെ ഇയാളുടെ തലയ്ക്കും മുഖത്തും പരിക്കേറ്റിട്ടുണ്ട്.
തലയ്ക്കുള്ള പരിക്കിന് ചികിത്സയ്ക്കായിട്ടാണ് പ്രതി എത്തിയത്. രാത്രി 12 മണിക്ക് ശേഷമാണ് ഇയാള് ആശുപത്രിയില് എത്തിയത്. ട്രെയിനില് നിന്നുള്ള വീഴ്ചയിലായിരിക്കാം തലയില് പരിക്കേറ്റതെന്നാണ് പ്രാഥമിക നിഗമനം. മഹാരാഷ്ട്ര ആര്പിഎഫിന്റെ കസ്റ്റഡിയിലാണ് പ്രതിയിപ്പോള്.
പോലീസ് പ്രതിയെ തേടി ആശുപത്രിയില് എത്തിയപ്പോള് ഇയാള് ഇറങ്ങിയോടി. പുറത്തുവെച്ചാണ് ഇയാളെ പിടികൂടിയതെന്നുമാണ് കിട്ടുന്ന വിവരം. മഹാരാഷ്ട്ര പോലീസിന്റെയും ആര്പിഎഫിന്റെയും സഹായത്തോടെയാണ് പ്രതിയെ പിടികൂടിയത്. കായികമായിട്ടാണ് കീഴടക്കിയതെന്നാണ് വിവരം.
അക്രമം നടന്ന് നാലാം ദിവസമാണ് ഇയാള് അറസ്റ്റിലായത്. പുലര്ച്ചെ മൂന്ന് മണിയോടെയാണ് ഇയാള് പിടിയിലായത്. കസ്റ്റഡിയില് എടുത്തത് മുംബൈ എടിഎസ് ആണ്. മുംബൈ എടിഎസിന് വിവരം നല്കിയത് കേന്ദ്ര ഏജന്സികളായിരുന്നു.
എലത്തൂരില് ട്രെയിനില് തീ വെച്ച സംഭവത്തിന് ശേഷം ട്രെയിന് മാര്ഗ്ഗമായിരുന്നു ഇയാള് രത്നഗിരിയിലേക്ക്എത്തിയത്. അതേസമയം ഇത്രയും ദിവസം പ്രതി എവിടായിരുന്നു എന്നും പോലീസ് അന്വേഷിക്കുന്നുണ്ട്. പ്രതിയ്ക്ക് പിന്നില് മറ്റാരെങ്കിലുമുണ്ടോ ഇയാള്ക്ക് എവിടെ നിന്നെങ്കിലം സഹായം കിട്ടിയിട്ടുണ്ടോ എന്നും പോലീസ് പരിശോധിക്കുന്നുണ്ട്.
