ലോക റെക്കോര്ഡ് ലക്ഷ്യമിട്ടുകൊണ്ട് മെക്സിക്കോയിലെ ഈ 31 കാരി ചെയ്ത കാര്യമാണ് ആളുകളെ ഞെട്ടിച്ചിരിക്കുന്നത്. പെര്ല ടിജെറിന എന്നാണ് യുവതിയുടെ പേര്. ലോക റെക്കോര്ഡിനായി സാക്ഷാല് അഗ്നി പര്വ്വതത്തിന്റെ മുകളില് താമസിക്കുകയാണ് പെര്ല. 32 ദിവസങ്ങള് തുടര്ച്ചയായി താമസിക്കാനാണ് യുവതി ലക്ഷ്യമിട്ടിരിക്കുന്നത്.
ലാറ്റിന് അമേരിക്കയിലെ ഏറ്റവും ഉയരമുള്ള പര്വതമായ പികോ ഡി ഒറിസാബയുടെ മുകളിലാണ് പെര്ലയുടെ താമസം. 18,491 അടിയാ
യാണ് ഈ അഗ്നിപര്വതത്തിന്റെ പൊക്കം. തന്റെ മാനസിക കരുത്ത് കൂട്ടാനായാണ് ഈ വിഷമകരമായ ദൗത്യം തിരഞ്ഞെടുത്തതെ
ന്ന് മെക്സിക്കോയിലെ സാള്ടിലോയില് നിന്നുള്ള പെര്ല പറയുന്നു. അതീവ ദുഷ്കരമായ സാഹചര്യവും ഒറ്റപ്പെടലും തന്നെ
കൂടുതല് കരുത്തയാക്കുമെന്നാണ് പെര്ലയുടെ വിശ്വാസം. എട്ടു ദിവസത്തോളമായി പെര്ല പര്വതത്തിന്റെ മുകളിലാണ് താമസം.
എന്നാല് പര്വ്വത മുകളിലെ ജീവിതം വളരെ ബുദ്ധിമുട്ടുകള് നിറഞ്ഞതാണ്. ശക്തിയായ കാറ്റ്. കൊടും തണുപ്പും, മോശം ആരോഗ്യസ്ഥിതി തുടങ്ങിയ ഒരുപാട് കടമ്പുകള് ഇതിനോടകം തന്നെ പെര്ലയ്ക്ക് മറികടക്കേണ്ടി വന്നു.
പര്വ്വതത്തിന്റെ മുകളില് താമസിക്കുമ്പോഴുണ്ടാകുന്ന ബോറടി മാറ്റാനായി ധാരാളം പുസ്തകങ്ങളും പെര്ലയുടെ കൈയ്യില് ഉണ്ട്. വലിയ പ്രശ്നങ്ങള് ഒന്നും ഇല്ലാതെ നിലവില് അനങ്ങാതെ കിടക്കുന്ന അഗ്നി പര്വ്വതമാണ് പികോ ഡി ഒറിബാസ. എന്നാല് നിര്ജീവ അവസ്ഥയിലുമല്ല എന്നുള്ളതും വാസ്തവമാണ്. ഇതിന്റെ അവസാന വിസ്ഫോടനം സംഭവിച്ചത് പത്തൊന്പതാം നൂറ്റാണ്ടിലാണ്.
