പ്രതിപക്ഷ നേതാക്കളെ വരുതിയില് കൊണ്ടുവരാന് ഉപയോഗിച്ച ഭീഷണിയും പ്രലോഭനങ്ങളും സംഘപരിവാര് ക്രിസ്ത്യന് ന്യൂനപക്ഷങ്ങളോടും തുടങ്ങിയിരിക്കുകയാണെന്ന് സിപിഎം. പല സംസ്ഥാനങ്ങളിലും പയറ്റിയ തന്ത്രം ഇപ്പോള് കേരളത്തിലും തുടങ്ങിയിരിക്കുകയാണെന്നും ബിജെപി നേതാക്കളുടെ അരമനകള് കയറിയിറങ്ങിയുള്ള യാത്രകള് ഇതിന് അടിവരയിടുന്നതാണ് എന്നും സിപിഎം പറയുന്നു. ഈസ്റ്റര് ദിനത്തില് പള്ളിയും സഭാ ആസ്ഥാനങ്ങളും ക്രിസ്ത്യാനികളുടെ വീടുകളും ബിജെപി നേതാക്കള് സന്ദര്ശിച്ചിരുന്നു.
ഇതിനെതിരേയാണ് സിപിഎം വിമര്ശനവുമായി രംഗത്ത് വന്നത്. ശക്തമായ മതനിരപേക്ഷ കാഴ്ചപ്പാടുള്ള സംസ്ഥാനമാണ് കേരളമെന്നും ബിജെപിയുടെ ഈ നീക്കം കേരളത്തിലെ ജനങ്ങള് തള്ളിക്കളയുമെന്നും സിപിഎം സംസ്ഥാന സെക്രട്ടേറിയേറ്റ് പുറപ്പെടുവിച്ച വാര്ത്താകുറിപ്പില് പറയുന്നു. ബിജെപിയുടെ നിലപാട് അറിയാവുന്ന പ്രബുദ്ധരായ ജനതയാണ് കേരളത്തിലേതെന്നും ഇത് അവര് തിരിച്ചറിയുമെന്നും വാര്ത്താകുറിപ്പില് പറയുന്നുണ്ട്. ഈസ്റ്റര്ദിനത്തില് ക്രിസ്ത്യാനികളുടെ വീടുകളില് ബിജെപി സന്ദര്ശനം നടത്തിയിരുന്നു.
ഈസ്റ്റര്ദിനത്തില് പ്രധാനമന്ത്രി നരേന്ദ്രമോഡി ഡല്ഹിയിലെ സേക്രഡ് ഹാര്ട്ട് കത്തീഡ്രലില് സന്ദര്ശനം നടത്തിയിരുന്നു. വൈകിട്ട് അഞ്ചരയോടെയാണ് മോഡി പള്ളിയില് എത്തിയത്. 20 മിനിറ്റ് അവിടെ ചെലവഴിച്ച ശേഷം പ്രാര്ത്ഥനയില് പങ്കെടുത്ത് വിശ്വാസികളും പുരോഹിതന്മാരുമായും സംസാരിക്കുകയും ചെയ്ത ശേഷമാണ് മടങ്ങിയത്. കേരളത്തിലും ബിജെപി നേതാക്കള് ബിഷപ്പ് ഹൗസിലും മറ്റും കയറി പുരോഹിതന്മാരെ കണ്ടിരുന്നു. ബിജെപിയുടെ നീക്കത്തെ കോണ്ഗ്രസും ശക്തമായി തന്നെ വിമര്ശിച്ചിരുന്നു.
