കൊച്ചി: എലത്തൂര് ട്രെയിന് തീവയ്പ്പ് കേസ് എന്.ഐ.എ. ഏറ്റെടുക്കണമോ എന്ന കാര്യത്തില് ഈയാഴ്ച തീരുമാനമുണ്ടാകും. കേസ് എന്.ഐ.എയ്ക്കു വിടുന്ന കാര്യത്തില് പോലീസോ സംസ്ഥാന സര്ക്കാരോ തീരുമാനമെടുത്തിട്ടില്ല. പ്രതിയെ കൂടുതല് ചോദ്യംചെയ്ത ശേഷം തീവ്രവാദബന്ധം സ്ഥിരീകരിച്ചാല് മാത്രം കേസ് വിടാമെന്നാണു കേരള പോലീസിന്റെ തീരുമാനമെങ്കിലും എന്.ഐ.എയ്ക്കു സ്വന്തം നിലയില് കേസ് ഏറ്റെടുക്കാന് അധികാരമുണ്ട്. കേസിനു അന്തര് സംസ്ഥാന ബന്ധമുള്ളതാണു കാരണം.
സംസ്ഥാനം കേസ് െകെമാറാന് െവെകുന്നപക്ഷം തങ്ങള്ക്കു ലഭിച്ച വിവരങ്ങള് കേന്ദ്ര ആഭ്യന്തര മന്ത്രാലയത്തിനു െകെമാറാനാണു കേന്ദ്ര ഏജന്സികളുടെ നീക്കം. ഇതുവഴി കേന്ദ്ര ആഭ്യന്തര മന്ത്രാലയം തന്നെ അന്വേഷണം എന്.ഐ.എയെ ഏല്പ്പിച്ച് ഉത്തരവിറക്കാനും സാധ്യതയുണ്ട്.
പിടിയിലായ ഷാരൂഖ് സെയ്ഫി കേരളത്തിലെത്തിയതു സ്വന്തം നിലയ്ക്കല്ലെന്നും ഇയാളെ കേരളത്തില് എത്തിച്ചതാണെന്നുമാണു കേന്ദ്ര ഏജന്സികളുടെ വിലയിരുത്തല്. ട്രെയിനിലെ ഒരു ബോഗി പൂര്ണമായി കത്തിക്കാനാണു പദ്ധതിയിട്ടതെന്നും ഇതിലൂടെ വലിയ ആക്രമണത്തിനാണു ലക്ഷ്യമിട്ടതെന്നുമാണു കേന്ദ്ര ഏജന്സികളുടെ വിലയിരുത്തല്. എന്നാല്, കേരള പോലീസ് ഇക്കാര്യം സ്ഥിരീകരിച്ചിട്ടില്ല.
പി.എഫ്.ഐ. പോലുള്ള സംഘടനകളെ നിരോധിച്ചതിലുള്ള പ്രതിഷേധം ഇത്തരത്തിലുള്ള ഒറ്റപ്പെട്ട ആക്രമണത്തിനു കാരണമായിട്ടുണ്ടെന്നു കണ്ടെത്തിയിരുന്നു. ഡല്ഹി, കോയമ്പത്തൂര്, ബംഗളുരു എന്നിവിടങ്ങളില് സമൂഹത്തില് ഭീതി പടര്ത്തുന്ന ഇത്തരം സംഭവങ്ങള് നടന്നിരുന്നു. എന്നാല്, ആക്രമണം നടത്താനുള്ള പരിശീലനമൊന്നും ഷാരൂഖ് സെയ്ഫിക്കു നല്കിയിരുന്നില്ല. പദ്ധതി പുറത്തറിയുമെന്നു കരുതിയതിനാലാണു പരിശീലനം നല്കാതിരുന്നത്.
